Një nga figurat eminente të krijimtarisë letrare, artistike, muzikore dhe kombëtare shqiptare në Gjermani është pedagogu, i doktoruar i shkencave juridike në Gjermani, z. Driton Gashi, i cili, me libra të botuara në shqip dhe gjermanisht, ka arritur t'i afirmojë me dinjitet në opinionin krijues gjerman vlerat historike të popullit shqiptar. Gjithashtu, z. Driton Gashi, në publikun gjithëshqiptar, tanimë është bërë i njohur me krijimtarinë voluminoze letrare-artistike, muzikore....
Me këtë rast, kemi nderin në "Jehona
Press", të prezantojmë një biografi të shkurtër të veprimtarit kombëtar,
pedagogut dhe krijuesit pasionant Driton Gashi, i cili jeton, punon dhe krijon
në Gjermani.
lindi në Prishtinë në vitin 1975. Në moshën pesëmbëdhjetëvjeçare
emigron me familje në Gjermani. Ka studiuar për gjuhësi dhe pedagogji në
Universitetin e Bochum-it dhe punon si pedagog shkolle dhe këshilltar
pedagogjik në një kolegj për të rritur në qytetin Dortmund.
Studimet pasuniversitare i ka mbaruar në Fakultetin e Drejtësisë në Universitetin e Hagen-it dhe ka marrë titullin akademik "Magjistër i Drejtësisë", "Master of Mediation" (MM), (ndërmjetës privat dhe jashtëgjyqësor në raste të konflikteve familjare). Nga viti 1993 punon për dhjetëra gjykata dhe institucione tjera të larta shtetërore si përkthyes i betuar dhe i autorizuar gjyqësor për gjuhën gjermane dhe shqipe.
Me muzikë merret që nga fëmijëria dhe deri
tani ka publikuar dy albume me muzikë të lehtë shqiptare dhe ndërkombëtare,
“Driton Gashi” (2000) dhe “This is my life” (2010). Është bashkëpunëtor i
rregullt i disa gazetave dhe revistave shqiptare dhe gjermane, ku ndër të
tjerash shkruan lidhur me aktivitetin kulturor të mërgatës shqiptare si dhe fenomenin
dhe pasojat e migrimit. Po ashtu, është përkrahës i madh i Shkollës Shqipe në
Gjermani si ekspert i dygjuhësisë, si ndërmjetës mes komunitetit shqiptar dhe
palës gjermane si dhe në rolin e lektorit dhe përkthyesit gjatë përpilimit të
teksteve shkollore.
Driton Gashi merret edhe me përkthime letrare.
Ka përkthyer nga shqipja në gjermanisht poezi nga shumë krijues shqiptarë.
Përmbledhja me këngë popullore dhe të lehta nga të gjitha trevat tona “Këngë të
paharruara shqiptare” (Prishtinë, 2011) është libri i tij i parë në gjuhë
shqipe, në gjuhën gjermane Driton Gashi ka botuar disa punime shkencore në
fushën e pedagogjisë ndërkulturore.
Botime tjera:
Rrugëtim publicistik
Mit dem.Doppeladler im Ruhrpott
Sapere aude
Shtegtar-Wanderer (album muzikor)
Comments