Prej pushtimit të kësaj treve shqiptare më
1912 nga monarkia serbomadhe, gjitha regjimet serbo-jugosllave, me mjete dhune,
administrative....nuk i kanë pushuar përpjekjet që t'i zhbijnë shqiptarët e t'i serbizojnë këto treva
autoktone shqiptare.
Shqiptarët e Luginës së Preshevës, sikur çdo
regjim pararendës serb, edhe kriminelët Vuçiq-Daçiq-Vulin, me egërsinë e
shtuar, me mjete dhe metoda të sofistikuara,
zbaton pastrimin etnik. Ua dhunon
të drejtat fondamentale. Politikisht, ekonomikisht e kulturalisht, regjimi serb
i diskriminon, duke i zhytur shqiptarët në varfëri ekstreme, si presion për
shpërngulje nga vatrat e tyre.
Duhet potencuar faktin që, Shqipëria si shtet,
në preambulë kushtetuese, parasheh detyrim të kujdeset e t'i mbrojë shqiptarët
jashtë kufijve shtetëror. Por, sa ndihet ndikimi dhe angazhimi i Shqipërisë, në
mbrojtje të të drejtave të shqiptarëve në Luginën e Preshevës?
Elita politike dhe akademike e Shqipërisë,
kurrë nuk e ka shfrytëzuar të drejtën ndërkombëtare që parasheh, mbrojtjen e
bashkëkombësve të saj në këtë pjesë të
kombit. Interesi konjuktural i Shqipërisë, asnjëherë nuk ka rezultuar me ndonjë
rezultat të dukshëm.
Sikur gjithë të tjerët para tij, edhe
kryeministri aktual i Shqipërisë Edi Rama, përveç ndonjë deklarate demagogjike,
për përfitime personale, diçka të prekshme s'ka bërë për Luginën e Preshevës.
Marrëveshjen për idenë serbe "Ballkani i
Hapur" Edi Rama, e pranoi, pa i
vënë kushte Serbisë, ndaj të drejtave të
mohuara të shqiptarëve në Luginë të Preshevës. Përkundrazi, ndaj shqiptarëve,
Serbia shton shtypjen dhe presionin ndaj shqiptarëve, ndërsa Edi Rama dhe
garnitura e tij politike hesht deri në injorim. Megjithatë, e Lavdëron Serbinë
për armatosje dhe heshtë për kërcënimet serbe ndaj Kosovës. Goditjen më të
rëndë Lugina.... e pësoi, nga kurdisja komplotiste Rama-Vuçiq, me shkarkimin e
kryetares së Preshevës Ardita Sinani dhe, sjelljen në krye të komunës, dy
vasalë prepotentë të Serbisë.
Qeveria aktuale e Kosovës, me mundësitë që
disponon, ka ndihmuar Luginën me 500 mijë €uro për pandeminë Covid 19 dhe 2
milionë €uro ndihmë financiare, me premtimin në ndihma të vazhdueshme.
Shqipëria mbetet e painteresuar fare, të ofrojë ndonjë ndihmë shumë të
nevojshme për këtë trevë.
Qeveria e Kosovës, duhet, pa humbur kohë, të
funksionalizojë një zyrë në kuadër të kabinetit qeveritar për Luginën e
Preshevës, me modalitete të studiuara për funksionim efektiv, pasi që, zyra për
Luginë.... në kuadër të Kuvendit komunal të Gjilanit, ka qenë krejt formale, pa
kurrfarë suksesi dhe ekskluzivisht është përdorë për interesa të përfitimeve
elektorale të pushtetit të kaluar.
Comments