Më 1 gusht 2022, fillon zbatimi i vendimit të Qeverisë së Kosovës, për reciprocitetin me Serbinë, duke i obliguar shtetasit e saj që hynë në Kosovë, të pajisen me fletë deklarime të përkohshme e që zëvendësojnë dokumentet e identifikimit personal. Po më 1 gusht, nisë regjistrimi i targave zyrtare të Republikës së Kosovës i automjeteve me regjistrim ilegal të Serbisë, që kanë funksionuar jashtëligjshëm në territorin e Kosovës. Procesi i regjistrimit të automjeteve me targa zyrtare do të përmbyllet më 30 tetor 2022.
Vendimi i Qeverisë së Kosovës për zbatimin e
reciprocitetit, nuk kërcënon stabilitetin, përkundrazi, ndihmon popullsinë
serbe në Kosovë, të kuptojnë më drejt dhe pa ndikime nga strukturat kriminale
serbe, se ata janë qytetarë të Kosovës me të drejta dhe përgjegjësi të barabarta e të pacenueshme
individuale e kolektive.
Serbët e Kosovës, nuk mund të jenë peng i
strukturave kriminale, kontrabandistëve dhe
instrumentalizimit pa fund të politikës zyrtare antikosovë të serbisë.
Ata i gëzojnë të gjitha të drejtat, të garantuara me kushtetutën e Republikës
së Kosovës.
Kosova, është shtet sovran, i pavarur dhe
demokratik, brenda të cilit janë të garantuara liritë e pakufizuara të çdo
shtetasi të saj pa dallim. Njëkohësisht, Kosova, mbanë të drejtën kushtetuese,
të mbrojë integritetin territorial dhe pacenueshmërinë e kufijve, nga
kërcënimet banale të Serbisë. Angazhimi i Serbisë për marrëdhënieve të
mira me Kosovën, në radhë të parë, i
kontribuon mirëqenies dhe prosperitetit të serbëve në Kosovë.
Kur Serbia të heqë dorë nga politika ekspansioniste
dhe nacional shoviniste ndaj Kosovës, qetësia, paqja dhe siguria rajonale do të
hyjë rrugës së perspektivës për të gjithë.
(S.S.)
Comments