Parlamenti i Shqipërisë me 125 vota, miratoi një rezolutë, adresuar Këshillit të Evropës, me të cilën kërkohet që, KE -së të deklarohet se, raporti i senatorit Dick Marty, ishte dokument i paargumentuar dhe trillues lidhur me pretendimet e supozuara për trafikim organesh nga liderët e Ushtrisë Çlirimtare të Kosovës, gjatë viteve të luftës në Kosovë 1998-1999.
Meqë prokurori amerikan Williamson, gjatë
hetimeve në të ashtuquajturën "shtëpia e verdhë" në veri të
Shqipërisë, nuk ka gjetur prova të besuara se në atë objekt janë kryer krime kundër njerëzimit, me heqjen e organeve
të njerëzve të arrestuar nga UÇK, mbi bazën e së cilës u themelua Gjykata
Speciale për krime të UÇK-së.
Andaj Parlamenti shqiptar, me të drejtë
miratoi rezolutë drejtuar KE-së, që ta rishqyrtojë dhe abrogojë vendimin e
mëparshëm të raportit të Dick Marty-i si të pabazuar.
Republika
e Shqipërisë ka bërë mirë që ka miratuar këtë rezolutë, por, pritet të shihet
efekti i saj, pasiqë ka kaluar kohë e gjatë mbi dhjetëvjeçare që Shqipëria, pos
që ka heshtur, deputetët e saj në KE kanë votuar pro raportit të Dick Marty-t.
Mund të supozohet që, kryeministri i
Shqipërisë Edi Rama, i komprometuar me përqafimin e idesë së dështuar të
Presidentit serb A. Vuçiq për "Ballkanin e Hapur", inicio rezolutë
për rastin e raportit Dick Marty, për t'i shpëtuar sado pak diskreditimit të
tij, për shkak të përafrimit të ngushtë
me Serbinë dhe dëmet që mund t'ia sillte Kosovës nga ky përafrim i panatyrshëm
në këtë periudhë kohore.
Pikërisht, kur Edi Rama me insistim mbronte
idenë e "Ballkanit të Hapur", nën sloganin e të cilit fshihet qëllimi
ekspansionist serb, retorika politike serbe kundër Kosovës shfaqet me tërë
agresivitetin e saj të shtuar. Prandaj, kjo rezolutë, me gjasë do të arkivohet
si relike e paefektshme dhe pa ndonjë ndikim në Këshillin e Evropës.
Comments