Ngjarjet e fundit
që po ndodhin në Zveçan, Leposaviq e Zubin Potok, ku bandat e armatosura
ushtarake, policore e të sigurisë seŕbe, me listën çetnike serbe, të dirigjuara
nga establishmenti shovinisto- serbomadh në krye me Vuçiqin, Daçiqin dhe
kriminelë tjerë milosheviqian, po e kërcënojnë seriozisht stabilitetin dhe
sigurinë e Kosovës.
Në përpjekje të
Qeverisë së Kosovës për shtrirjen e ligjshmërisë, krijimin e kushteve të
normalitetit në gjithë territorin e vendit, me angazhimin shtesë në veri të
Kosovës, për shkak të rrethanave specifike të pakicës serbe, ndaj të cilës
Serbia me presion të vazhdueshëm mbanë të ndezur logjikën e konfliktit dhe
refuzimin e ligjshmërisë, për ta mbajtur në kontinuitet rrezikun e destabilizimit të vendit tonë.
Protestat e
manipuluara të bandave të armatosura serbe në tri komunat veriore, kundër
kryetarëve në katër komunat veriore të vendit, që i fituan zgjedhjet e 23
prillit, të cilat serbët i bojkotuan me presionin dhe ndërhyrjen e Serbisë.
Kur natyrshëm
nevojitej inkurajimi i aleatëve të Kosovës dhe ndikimi i tyre mbi regjimin
autokrat të Serbisë, që të ndalojnë bandat e armatosura ushtarake, të
neutralizohen e të mos kërcënojnë rendin dhe sigurinë në komunat veriore,
sekretari amerikan i shtetit Antony Blinken, fajëson Qeverinë e Kosovës për
acarimin e gjendjes dhe kërcënon Kosovën me sanksione.
Fajësimit të
Kosovës nga Qeveria amerikane, iu bashkuan edhe fuqitë perëndimore të unionit
evropian, dhe kështu, inkurajuan bandat
kriminale dhe shtetin fashist të Serbisë ta rrezikojë Kosovën me ndërhyrje
ushtarake.
Qëndrimi delikat
i ShBA-së, në raport me Kosovën, vie si rezultat edhe i oportunizmit,
servilizmin dhe logjikës inferiore nënshtruese të partive politike kosovare të
opozitës dhe mediave të sponsorizuara nga Beogradi e Moska, të cilat shquhen
për sakrifikimin e interesave shtetërore për përfitime personale, të justifikuara nga fundërrina
agjenturore në dëm të vendit.
Lobistët politik-
mediatik-agjenturor kosovarë, padyshim kanë mbështetjen e lobit proserb e
prorus në Shtetet e Bashkuara të Amerikës.
Në çdo situatë,
Qeveria dhe populli i Kosovës, kanë për detyrë të mbrojnë me të gjitha mjetet e
mundshme, sovranitetin, integritetin territorial, rendin kushtetues dhe
sistemin demokratik properëndimor.
(S.S.)
Comments