Marrëveshja e Parë e Parimeve që Rregullojnë Normalizimin e Marrëdhënieve
1.
Do të krijohet nje
Asociacion/Bashkësi e komunave me shumicë Serbe në Kosovë. Anëtarësia do të jetë e hapur për çdo komunë
tjetër nëse anëtarët janë në pajtim.
2.
Bashkësia/Asociacioni do të
themelohet përmes statutit. Shpërbërja e tij mund të bëhet vetëm me vendim të
komunave pjesëmarrëse. Do të ketë garanca ligjore përmes ligjit aplikues dhe të
drejtës kushtetuese (përfshirë rregullën për shumicën prej 2/3).
3.
Struktura e
Asociacionit/Bashkësisë do te themelohet mbi te njëjtën bazë si edhe statutit ekzistues
të Asociacionit të komunave të Kosovës, p.sh. Kryetari, Nënkryetari,
Kuvendi, Këshilli.
4.
Në përputhje me kompetencat e
parapara me Kartën Evropiane për Vetëqeverisje Lokale dhe e Kosovës komunat pjesëmarrëse do të kenë
të drejtë të bashkëpunojnë në ushtrimin
kolektiv të kompetencave të tyre përmes Bashkësisë/Asociacionit.
Asociacioni/Bashkësia do të ketë vështrim të plotë mbi fushat si zhvillimi
ekonomik, arsimi, shëndetësia, planifikimi urban dhe rural.
5.
Asociacioni/Bashkësia do të
ushtroj kompetenca të tjera shtesë siç mund të delegohen nga autoritetet qendrore.
6.
Bashkësia/Asociacioni do te ketë
rol përfaqësues te autoritetet qendrore dhe për këtë qëllim do te ketë një
përfaqësues në Këshillin Konsultativ të Komuniteteve. Në përmbushje të këtij
roli parashihet funksioni monitorues.
7.
Do të ketë një polici në Kosovë e
quajtur Policia e Kosovës. E gjithë policia në veri te Kosovës do të integrohen
brenda kornizës së Policisë së Kosovës. Pagat do të jenë vetëm nga ana e PK-së.
8.
Pjesëtarëve të strukturave serbe
të sigurisë do t'u ofrohet vend në strukturat ekuivalente të Kosovës.
9.
Do të ketë një Komandant Regjional
i Policisë për katër komunat me shumicë serbe në veri (Mitrovica e Veriut,
Zveçani, Zubin Potoku dhe Leposaviqi). Komandanti i këtij regjioni do të jetë
një serb i nominuar nga Ministria e Punëve të Brendshme nga lista e ofruar nga katër kryetarët e komunave në emër
të Bashkësisë/Asociacionit. (Do të ketë
Komandant tjetër regjional për komunat e Mitrovicës Jugore, Skenderajt
dhe Vushtrrisë). Komandanti regjional i katër komunave ne veri do të bashkëpunoj
me komandantë te tjerë regjional.
10.
Autoritetet gjyqësore do të
integrohen dhe të veprojnë në kuadër të kornizës ligjore të Kosovës.
Gjykata e Apelit në Prishtinë
do të themeloj një panel të përbërë me shumicë Serbe të Kosovës për të gjykuar
të gjitha rastet e komunave me shumicë Serbe.
Një divizion i kësaj Gjykate
të Apelit, i përbërë nga staf administrativ dhe gjyqtarë, do të vendoset në
mënyrë të përhershme në veri të Mitrovicës (në Gjykatën e Qarkut të
Mitrovicës).
Secili panel i divizionit të mësipërm
do të ketë përbërje me shumicë të gjyqtarëve SIK. Gjyqtarët përkatës do të
vendosen në panel në varësi të natyrës së rastit në fjalë.
11.
Zgiedhjet lokale në komunat e
veriut do të organizohen në vitin 2013, me Lehtësimin e OSBE-së, në përputhje
me ligjin e Kosovës, dhe me standardet ndërkombëtare.
12.
Një plan zbatimi, i cili përfshin
dhe afatin kohorë, do të krijohet deri në 26 Prill. Në zbatimin e kësaj
marrëveshjeje do të trajtohet dhe parimi i financimit transparent.
13.
Diskutimet lidhur me Energjinë dhe
Telekomin do të intensifikohen nga të dy palët, dhe do të përfundojnë deri më
15 qershor.
14.
Është dakorduar që asnjëra palë
nuk do të bllokojë, apo inkurajojë të tjerët të bllokojnë, progresin e palës
tjetër ne rrugën përkatëse drejt BE-së.
15.
Do të themelohet një komitet
zbatimi nga të dy palët, me lehtësimin e BE-së.
(Sektori i Arkivës së Qeverisë sëKosovës, 19.04.2013, Numri i Protokollit 1039, Njësia
organizative 1)
Kjo Marrëveshje është ratifikuar në
Parlamentin e Kosovës me 84 Vota
Comments