Në raport me
numrin e popullsisë nga të gjitha trevat e tyre, shqiptarët përbëjnë numrin më
madh të emigrimit krahasuar me popujt tjerë në Evropë.
Përkundër faktit
që, shqiptarët, në të gjitha fushat e jetës në shtetet ku jetojnë e punojnë,
janë sistemuar e integruar në njëfarë mase mirë, por, krahasuar me emigrantët e
vendeve tjera ballkanike dhe të vendeve evropianojugore, shqiptarët ngelin
shumë mbrapa në organizimet kulturore, artistike, sportive......
Ekzistojnë disa
arsye, pse shqiptarët nuk përfshihen masivisht në aktivitete që promovojnë
kulturën, artin dhe degë tjera të veprimtarisë së organizuar.
E para, shtetet e
origjinës nga vijnë mërgimtarët shqiptarë, interesohen fare pak për organizimin
e bashkatdhetarëve të tyre, duke ia lënë obligimin moral e ligjor stihisë.
E dyta,
mërgimtarët shqiptarë, në masë të madhe nuk arrijnë të vetëm të krijojnë mekanizma të vetorganizimit
të mirëfilltë, për shkak të rrethanave të kushteve të punës në ambiente të
ndryshme me të atdheut të tyre.
Me vetiniciativë
janë formuar e veprojnë organizime nga më të ndryshmet, si, klube sportive të
të gjitha degëve Shoqata krijuesish
letrar-artistik, të mjekësisë, ekonomisë etj., por, fatkeqësisht, qindra-mijëra
mërgimtarë mbeten jashtë rrjedhave organizative, në mungesë të iniciativave
gjithëpërfshirëse në organizime kulturore....
Domosdo imperativë
është, me ndihmën edhe të shtetit të origjinës, të stimulohet organizimi masiv
i mërgatës shqiptare në arsim, kulturë, krijimtari, sport dhe veprimtari
profesionale, për të cilat ekziston potencial i mjaftueshëm dhe me kompetencë.
Vullneti dhe
gatishmëria është evidente, vetëm duhet lëvizje e denjë vullnetmirë që, mërgata
shqiptare e organizuar, të ruaj d kultivojë dhe të afirmojë sa më dinjitetshëm
kulturën tonë kombëtare, si mjet efikas kundër asimilimit dhe rrugë më e mirë
në integrimin në shtetet dhe shoqëritë ku jetojnë e punojnë.
Potenciali është
i madh. Me angazhim të vullnetshëm arrihet e domosdoshmja e dëshiruar!
Sejdi Sopi
Albulena Qehaja
Comments