Dalja në arenën ndërkombëtare e Kinës
komuniste si superfuqi botërore, aleate ideologjike dhe gjeostrategjike e
Rusisë autoritariste të kryeoligarkut
Vladimir Putin, kërcënon seriozisht rendin botëror dhe paqen globale.
Vladimir Putin, dëshiron që, me mjete propagandistike, të spiunazhit dhe
fuqinë ushtarake, ta rikthej dominimin rus mbi shtetet e pavarura që dikur
përbënin Bashkimin Sovjetik.
Vladimir Putin, duke e shfrytëzuar
negligjencën dhe inkoherencën e fuqive perëndimore demokratike, në
kontinuitet, demonstron format më
agresive drejt tendencës dominuese mbi shtetet sovrane që i konsideron pjesë e orbitës së interesave gjeostrategjike
dhe gjeopolitike ruse.
Ukraina, aktualisht, ishte viktime e radhës së
invazionit dhe ekspansionit rusomadh.
Politika rusomadhe e Putinit, nuk përkufizohet
vetëm në Ukrainë dhe fqinjët e shkëputur, dikur përbërëse të BS. Ai, ka futur
duart edhe në Ballkan, aleaten e besueshme të Rusisë, Serbinë shoviniste e
përdorë si trambulinë për të mbajtur të destabilizuar Ballkanin Perëndimor dhe
kështu, ushqen orekset nacional-shoviniste serbomëdha.
Përmes armatosjes dhe shërbimeve të fshehta
agjenturore, Rusia, po e ndihmon Vuçiqin dhe kishën ortodokse serbe, të
ndërhyjë në vendet fqinje dhe të demonstrojë hapur pretendime territoriale ndaj
Kosovës, Bosnjës dhe Hercegovinës dhe Malit të Zi, njëkohësisht të ushtrojë
ndikim në Maqedoninë e Veriut dhe në Shqipëri, përmes shërbimeve agjenturore,
mediatike e propagandistike.
Tandemi Putin-Vuçiq, në Kosovë dhe Shqipëri,
fatkeqësisht, kanë zgjeruar rrjetin agjenturor, që përmes të zëdhënësve
shqipfolës e shtrinë ndikimin panatyrshëm
edhe në këto dy vende.
Ideja e Ballkanit të hapur, e mirëpritur nga
politika zyrtare e Tiranës dhe propaganda e orkestruar e një tufe gazetarësh e
opinionistësh kosovarë që të koordinuar përkrahin themelimin e Bashkësisë së
komunave serbe në Kosovë, i bëjnë të besueshme informatat se sa milionat i
derdhin shërbimet serbo-ruse për ta defunksionalizuar shtetin e Kosovës.
Comments