Gafurr Qalaj, patriot idealist i përkushtuar!
Gafurr Qalaj, nga Mirashi i Ferizajt, me
vendosjen e tij në Gjenevë pas demonstratave të Kosovës më 1981, iu bashkua
radhëve të veprimtarëve atdhetarë, që bartën peshën e rëndë të organizimit të
fshehtë të mërgatës atdhedashëse në solidarizim me protestat e demonstratat
studentore e gjithëpopullore në pranverën e
vitit 1981 në Kosovë.
Gafurr Qalaj, në Gjenevë, u lidhë shpejt me
bartësit e veprimtarisë kombëtare me Kadri Avdullahun dhe përmes tij, me grupin
e aktivistëve patriotë që jetonin e punonin në Gjenevë.
Në të gjitha tubimet dhe protestat e mërgatës
sonë në Gjenevë, gjithandej Zvicrës, në Gjermani, Belgjikë, Francë..Gafurri ishte pjesëmarrës
aktiv dhe bashkëorganizator i gjitha veprimtarive.
Si idealist i pashembullt, Gafurr Qalaj
dallohej për sakrificë, vullnet dhe fuqi morale, në shërbim të çështjes së
lirisë sonë kombëtare. Ai, në vete kishte akumuluar urrejtjen e palëkundur
kundër regjimit pushtues antishqiptar jugosllav të cilin ishte i gatshëm ta
luftonte me çdo mjet e mundësi.
Gafurri, në vitin 1981, ka dhënë kontribut të
çmueshëm në bashkëthemelimin e klubit shqiptar "Igballe Prishtina" në
Gjenevë, bërthamë e parë e organizimit të pavarur shqiptar në Zvicër.
Me shkuarjen në Gjenevë, në fund të vitit
1981, të autorit të këtij shkrimi Sejdi Sopi, mes tij dhe Gafurrit u krijua
bazë e fortë e ngritjes së besimit të ndërsjellë dhe bashkëveprimit të sinqertë kombëtar. Tani më, në veprimtari,
në ditë të vështira e përballje me situata ishin të bashkërreshtuar.
Në vitet 1990-ta, situata paraprake në Kosovë
ndryshoi me gjendjen e pastajme, gjithashtu edhe në diasporë, gjërat ndërruan
kahjen e organizimit patriotik, Gafurri, nuk u hamend, por veproi vertikalisht,
gjithmonë në nivel të situatave dhe rrethanave të krijuara dramatikisht.
Në fillet e organizimit ushtarak, për t'iu
kundërvënë me armë pushtuesve shovinistë serb....Gafurri pa hezitim, u rreshtua
në krahun më patriotik të forcave kombëtare për çlirimin e Kosovës.
Në Luftën e UÇK-së, Gafurri, si pjesë e saj,
dha kontribut të çmueshëm në afirmimin e luftës çlirimtare, ndihmesën dhe
përkrahjen parezerveë financiare, morale dhe fizike.
Nga rinia e hershme derisa emigroi më 1981,
Gafurr Qalaj, në fshatin e lindjes Mirash ishte aktivist i dalluar në
veprimtarinë rinore dhe grupin letrar ku paraqitej me poezi në frymën
patriotike. Ndërsa për kontributin dhe angazhimin aktiv në UÇK është i nderuar
me statusin pjesëtar i UÇK-së.
Gafurr Qalaj, aktualisht banon në Gjenevë, me
bashkëshorten Makfiren, djemtë Besmirin e Kushtrimin dhe vajzën Ermirën, të
kultivuar dhe edukuar kombëtarisht. Ai ende, vazhdon pashkëputur veprimtarinë
kombëtare në proporcion me aktualitetin e Kosovës shtet i pavarur.
Comments