Skandali
financiar, që plasi në Slloveni, ku akuzohet si i involvuar, ambasadori i
Kosovës në Zagreb Martin Berishaj, është momenti më fatkeq që kodet moralisht
Kosovën në përpjekjet e saj për shtetndërtim.
Presidentja dhe kryeministri
i Kosovës, nuk kanë alternativë, pos ta shkarkojnë ambasadorin Berishaj. Kosova
nuk guxon të përfaqësohet jashtë vendit me pseudodiplomatë të pa u verifikuar
katërcipërisht në aspektin moral dhe kombëtar. Kjo, nuk bënë të ndodhë! Mjaftë
është mjaftë!
Në terrenin ku ka
vepruar kohë të gjatë Martin Berishaj (në Slloveni e Kroaci), s'ka se si
amnistohet z. Berishaj, nga rrethi vicioz i atyre shqiptarëve që, në emër të
patriotizmit të maskuar, të vendosur në
Slloveni e Kroaci në kohën e pavarësimit të këtyre dy shteteve, kanë ditur të
luajnë me ndjenjat e njerëzve të thjeshtë, t'i shfrytëzojnë e të përfitojnë nga
sinqeriteti dhe vuajtjet e tyre.
Posedojmë prova
tronditëse, të cilat, në momentin e përshtatshëm s'do t'i lëmë pa i publikuar,
me emër e mbiemër, personat, që i kanë keqpërdorur, mijëra të rinj shqiptarë
(shumë prej tyre me gra e fëmijë), të ardhur nga Kosova e Shqipëria në
Slloveni, nga viti 1990 e në vijim.
Nuk mund të
anashkalojmë qindra aktivistë, që bënin ç ‘është mundur në të gjitha qytetet e
Sllovenisë, me përpjekje mbinjerëzore t'u ndihmonin refugjatëve shqiptarë të
ndodhur buzë ekzistencës. Ata aktivistë të vjetër e të rinj që kishin kushte më
të mira, ishin heronj të vërtetë. Grupi i "patriotëve eminentë
shqiptarë" në Slloveni, janë shquar për zhvatje e profite me ndihmat financiare të mërgatës
shqiptare që i dërgonin në Slloveni më 1991, si formë solidarizimi me
kuvendarët që shpallën deklaratën kushtetuese para kuvendit të Kosovës më 2 korrik 1990, e që ishin vendosur në një
Hotel luksoz të qytetit Kranj, larg syrit të mijëra shqiptarëve të mbetur
rrugëve të Sllovenisë, derisa ata, deputetët e deklaratës kushtetuese, bën qejf
e kokrrën e sefasë me të hollat e mërgimtarëve.
Z. Martin Berishaj, duhet t'i nënshtrohet
hetuesisë në Kosovë dhe Slloveni, për ta dëshmuar fajësinë apo pafajësinë për
shumë punë të pista të bëra kohë të gjatë edhe në Slloveni nga akterë të
ndryshëm. Gazeta "Mladina" Janez Jansha e disa persona publikë
sllovenë, njëkohësisht veprimtarë shqiptarë në Slloveni, kanë shumëçka të
provojnë për rolin edhe të z. Martin Berishaj në Slloveni.
Asnjë argument
nuk qëndron që, Martin Berishaj të vazhdojë të gëzojë pozitën e ambasadorit kosovar në Zagreb.
Comments