Se opozita kosovare e ka "humbur rrugën n ‘oborr”, dëshmon me shembuj të shumtë, në të bërit opozitë.
E zhveshur nga roli konstruktiv, kjo opozitë, është futur në një aleancë ndëropozitare, për t'iu kundërvënë qeverisë me mjete e forma të çuditshme të kundërvënies, shpifjes e etiketimeve absurde.
Liderët opozitarë dhe eksponentët e tyre, në deklarata publike, në debate televizive dhe në Parlament, me prapaskena djallëzore, pa sens kritik, përpiqen të bllokojnë reformat e iniciuara nga qeveria, luftën kundër korrupsionit, nepotizmit dhe krimit të organizuar.
Nga ndalimi i zgjedhjeve serbe në Kosovë, arrestimet e bandave kriminale në veri të Mitrovicës dhe Brezovicë. Arrestimet në policinë kufitare dhe sërish angazhimin e policisë së Kosovës në zbatimin e ligjshmërisë në veri, pjesa e madhe e opozitës, i kundërshton me akuza që koincidojnë me ato të Serbisë. Fondin e Sigurisë, hapur e fshehtas e luftojnë. Gjitha këto kundërshtime me vetëdije apo pa vetëdije, puqen me politikën serbe në pengimin e shtetndërtimit të vendit tonë.
Veprim djallëzor i opozitës degraduese, është insistimi që të formohet komisioni hetimor parlamentar për energjinë, kur botërisht dihet që, në Evropë e në gjithë Botën, çmimi i energjisë, artikujve të konsumit dhe derivatet e naftës, kanë pësuar ngritje çmimesh si pasojë e luftës në Ukrainë, e përfshirë në krizë globale.
Raporti i fundit i "Freedom House", është sinjal i keq për pozitën e djeshme dhe opozitën e sotme. Opozitës, s'i mbetet rrugë tjetër. Të reflektojë, t'i përvishet punës konstruktive në Parlament, të kthjellet për të kontribuar në reforma dhe çmontimin e strukturave korruptive e të abuzimit në drejtësi dhe gjithë sektorët e përfshirë në shkelje ligjore e parregullsi.
Nëse nuk e
rishikon qëndrimin e gabuar të politikëbërjes, opozita kosovare do të thellohet
në degjenerim edhe më të theksuar.
Koha është tani
të reflektohet!
Comments