Me kërkesën e PDK-së, e përkrahur nga LDK' AAK dhe Lista Serbe, sot u zhvillua seancë parlamentare në Kuvendin e Kosovës për themelimin e një komisioni hetimor për energjinë. Opozita këmbëngulë të ngritët komision hetimor ekskluzivisht që lidhet me rastin e Ambasadorit të Kosovës në Kroaci z. Martin Berishaj. LVV e përkrah formimin e komisionit hetimor parlamentar, por, kërkon, ky komision t'i zgjerojë hetimet e problemeve energjetike nga viti 2006.
Qëllimi
tendencioz i opozitës është i tejdukshëm, të formohet komision hetimor parlamentar,
pastaj ta akuzojë kryeministrin Albin Kurti për gjoja, i involvuar në një aferë
të supozuar të Martin Berishajt që lidhet me energjetikën, bazuar në një
deklaratë të një kanali TV në Slloveni e që z. Berishaj e ka mohuar dhe kualifikuar si shpifje ndaj tij.
Partia Demokratike e Kosovës dhe e gjithë
opozita, duke tentuar t'ia mveshin përgjegjësinë Qeverisë dhe kryeministrit
Albin Kurti, për një çështje të paverifikuar, ranë vetë në kurthin
propagandistik dashakeq në drejtim të z. Kurti.
Duke e përkufizuar hetimin vetëm te rasti i
ambasadorit Berishaj, opozita shpreson të sabotojë organet e shtetit të Kosovës
në luftën kundër korrupsionit dhe krimit të organizuar të rrënjosur përgjatë
viteve që opozita e sotme ishte në pushtet.
Opozita e nervozuar, sidomos PDK, duke e parë që nuk iu shkoi seanca ashtu siç e dëshironin, me shpifje e prapaskena, humbi kontrollin e debatit konstruktiv parlamentar, derisa kryetari i grupit parlamentar të PDK-së Abelard Tahiri shkon aq larg, me sjellje rrugaçërie shanë deputetët dhe familjet e tyre me banalizëm " jau q****fsha robtë"!
Partia Demokratike e përkrahur nga partitë
opozitare përfshirë listën serbe, janë të angazhuara, pa zgjedhur mjete të minojnë punën e Qeverisë
drejt reformave, sigurimin e rendit dhe ligjit në gjithë territorin e shtetit.
Parlamenti i Kosovës e ka të nevojshme formimin
e komisionit hetimor parlamentar, jo për çështje të ndara ekskluzive siç
pretendon opozita me dashakeqësi, por, për hetim të zgjeruar e të thelluar për
gjitha keqpërdorimet e dyshuara nga qeveritë e kaluara, pse jo, edhe dyshimet e
supozuara të Qeverisë aktuale
Comments