Parlamenti i Malit të Zi zgjodhi kryeministër shqiptarin Dritan Abazoviq. Z. Abazoviq, si mandatar i pakicës parlamentare, fitoi besimin e shumicës së deputetëve të Parlamentit malazez.
Në historinë e
shtetit të vogël fqinj i Kosovës, Dritan Abazoviq është kryeministri i 43 dhe shqiptari i parë që merr kreun e Qeverisë
së këtij vendi.
Dritan Abazoviq,
si zëvendëskryeministër në Qeverinë e kryeministrit proserb Zdarvko Krivokapiq,
ka luajtur rol vendimtar në shmangën e forcave serbe e proserbe të angazhuara
për dominimin hegjemonist të Serbisë dhe orientimin perëndimor euroatlantik të
Malit të Zi.
Politikan i ri, i
shkolluar dhe pragmatik, Abazoviq, me tërë qenien u angazhua për një Mal të Zi
me të drejta të barabarta qytetare, të përkatësive kombëtare, politike e fetare
që e përbëjnë këtë shtet.
Në një ambient e
klimë tejet të rënduar ndërnacionale e ndërqytetare si rezultat i ndikimit
hegjemon- ekspansionist të Serbisë dhe elementit serb e proserb në vend, ideja
e z. Abazoviq për ruajtjen e pavarësisë ndaj pretendimeve aneksioniste
serbomëdha, përafrimin dhe integrimin e vendit me BE-në dhe demokracitë
perëndimore, u kurorëzua triumfalisht kryeministër i Malit të Zi.
Me zgjedhjen e
Dritan Abazoviqit kryeministër i Malit të Zi, nisë një epokë e re në marrëdhëniet
mes vendeve të Ballkanit Perëndimor, e bashkëpunimit në të gjitha fushat, të
sigurisë, paqes dhe mirëkuptimit rajonal e më gjerë.
Vlenë të
theksohet që, kabineti i tij prej 18 ministrash dhe dy ministra pa portofol, në
mesin e të cilëve edhe dy ministra shqiptarë, së pari herë në historinë
politike të këtij vendi.
Kryeministrit Dr.
Dritan Abazoviq, i përcjellim urimet më të sinqerta, pozitën e rëndësishme të
kryeministrit të Malit të Zi.
Comments