Vizita dyjavëshe e kryeministrit të Kosovës Albin Kurti në Shtetet e Bashkuara të Amerikës, siç e kishte paralajmëruar javë më parë vet Albin Kurti, do të fokusohet në shtytjen dhe avancimin sa më të zgjeruar të bashkëpunimit ekonomik, tregtar, bujqësisë dhe sfera tjera si të sigurisë dhe teknologjisë, përmes investimeve kapitale amerikane në vendin tonë.
Fuqizimi i
bashkëpunimit ekonomik etj., mes Kosovës dhe ShBA-ve, sidomos investimet
kapitale amerikane në Kosovë, janë indikatorë i fuqishëm i fuqizimit të
marrëdhënieve, gjithashtu politike mes Kosovës
dhe Amerikës, mikja më e sigurtë dhe jetike e vendit tonë.
Kryeministri Kurti,
në planin politik, zhvilloi takime me zyrtarë të lartë, senatorë e kongresmenë
amerikanë dhe me këshilltarin e lartë të presidentit Biden për sigurinë
kombëtare z. Saliven.
Marrëveshja e
arritur me MCC-në për investime në energji prej 236 milionë dollarësh, është
sukses i dukshëm i vizitës së kryeministrit Kurti në Amerikë, çka besohet që do
të pasojnë edhe investime tjera amerikane në vendin tonë.
Mirëpo, opozita
kosovare, vizitën shumëditëshe në ShBA, e konsideron të pasuksesshme, për
shkakun që, z. Kurti nuk realizoi fotografi në Shtëpinë e Bardhë apo në
Departamentin e Shtetit me figura qendrore të administratës amerikane, kur
dihet që, takimi me këshilltarin e presidentit Biden, konsiderohet takim me
profilin më të lartë politik në administratën amerikane.
Përkundër kësaj,
opozita përbrenda e destruktivizuar,
vlon në kritika dhe minimizim të sukseseve të z. Kurti në ShBA.
Opozita e
frikësuar nga lufta e Qeverisë Kurti kundër korrupsionit dhe krimit të
organizuar, ka zgjedhur rrugën më të pandershme të propagandës irracionale
kundër Albin Kurtit për t'i shpëtuar disfatës së sigurtë morale e politike të
cilës s'i shmanget dot.
Opozita kosovare,
e ballafaquar me probleme të trashëguara
të keqqeverisjes dhe kompromiseve që dukshëm dëmtuan shtetndërtimin e Kosovës,
kanë mobilizuar gazetarë, analistë dhe mediume të sponsoruara e të financuara
prej tyre, në fushatë denigruese e shpifëse kundër Qeverisë Kurti.
Me një strategji
kamufluese e tendencioze, opozita do të përfundojë në efekte negative për veten
dhe forcimin e qëndrueshmërisë të Qeverisë dhe të Lëvizjes Vetëvendosje në
qeverisjen e saj në vijim të mandateve.
Të gjitha
sukseset dhe mossukseset e Qeverisë Kurti, lidhen me arritjet e zhvillimit
socio-ekonomik, luftën kundër korrupsionit dhe krimit të organizuar dhe
mbrojtjen e interesave shtetërore kundrejt dialogut me Serbinë.
Comments