“Frankfurter Allgemeine Zeitung”
Rusia dhe Kina po përfitojnë nga dështimi i BE-së për të
lidhur më afër Ballkanin Perëndimor. Duke pasur parasysh situatën e ndryshuar,
Evropa nuk mund ta përballojë më këtë.
Ballkani Perëndimor është ende një vakum gjeopolitik në hartën e Evropës. Procesi i ngadaltë i afrimit të gjashtë vendeve me BE-në i ka mundësuar Rusisë dhe Kinës të ushtrojnë ndikim në një rajon që duhet të kishte qenë prej kohësh i ngulitur fort në kampin perëndimor.
Anëtarësimi në NATO
nuk mjafton për këtë dhe në raste si Serbia nuk është as opsion për të ardhmen
e parashikueshme. Të dyja palët janë përgjegjëse për faktin se anëtarësimi në
BE nuk po përparon: kandidatët nuk i kanë kryer detyrat e shtëpisë dhe BE-ja
është e lodhur nga zgjerimi.
Mos u varni nga
disponimi
Duke pasur parasysh
situatën e ndryshuar në Evropë, kjo nuk mund të përballohet më. Kancelari ka të
drejtë kur bën thirrje për një “shans realist” për shtetet e Ballkanit. Në çdo
rast, anëtarësimi nuk duhet të varet nga disponimi i politikës së brendshme në
BE.
Megjithatë, është
dhe mbetet një proces kërkues dhe jo vetëm sepse duhet të miratohen sanksione
kundër Rusisë, siç vuri në dukje Scholz. Anëtarësimi në BE ndryshon rrënjësisht
një shtet, duke përfshirë shoqërinë e tij.
Kjo nuk funksionon
as për çdo anëtar aktual, kështu që ideja e Macron për një hap të ndërmjetëm ia
vlen të merret në konsideratë. Një “bashkësi politike” me vende të treta në
Ballkan dhe gjetkë do të ishte akoma më mirë se sa vite pritjeje dhe qëndrimi
në vend.
: Nikolas Busse
Redaktor përgjegjës
për politikën e jashtme.
Comments