Grevat e sindikalistëve të arsimit dhe shërbyesve civilë në Kosovë, që po hynë në muajin e dytë, dëshmojnë qartë, instrumentalizimin e krerëve sindikalistë nga kamarilat politike të opozitës së përbashkuar kundër Qeverisë Kurti.
Opozita kosovare, ëndërron me sy çelë me
dëshirën që ta paralizojë punën e Qeverisë, përmes protestave të
instrumentalizuara, duke pretenduar detyrimin e ekzekutivit të pranojë kërkesat
sindikale për stimulim të pagave nga 100 € në muaj, deri në miratimin e ligjit
për paga.
Kryesindikalistët e bashkëkorruptuar me
struktura të opozitës politike, janë të vetëdijshme që, Qeveria, nuk do t'i
pranojë kërkesat insistuese sindikaliste, nga shkaku se, përmbajnë në vete
qëllime ogurzeza të opozitës politike e hendikepuar politikisht, organizativisht
e moralisht, me tendencën e kamufluar se a mos nxjerr ndonjë profit eventual
përmes krizës së imagjinuar greviste sindikale.
Grevat politike mbështeten dhe stimulohen nga
tri "korparmata" propagandistike, të diskredituara në sytë e
qytetarëve. Kamarilat e opozitës politike, pjesa e bizneseve dhe e mediave, të
lidhura ngushtë me njëra tjetrën në fushën e krimit të organizuar, abuzimeve
dhe keqpërdorimeve të mëdha kontrabanduese, financiare, nepotiste, klanore etj.
etj.
Në fazën, kur Kosova, ndodhet para sfidave
tejet të vështira politike - diplomatike, të dialogut përmbyllës me Serbinë dhe
presionit ndërkombëtar për kompromise drejt një marrëveshje gjithpërfshirëse
mes Kosovës dhe Serbisë, opozita kosovare dhe sindikalistët, shfrytëzojnë
momentin më të keq, për t'ia shtuar vështirësitë Kosovës, në zgjidhjen e
problemeve të saj, kur bota është mbërthyer në krizë globale ekonomike,
financiare, e shkaktuar nga agresioni rus mbi Ukrainën. Ndërkohë Serbia, shton
kërcënimet agresive ushtarake ndaj Kosovës.
Përgjigjen që Qeveria e Kosovës duhet dhënë
grevistëve, të kthehen në punë, të fillojë procesi mësimor nëpër shkolla dhe të
testohen aftësitë e edukatorëve,
mësuesve dhe profesorëve në mësimdhënie.
(S.S.)
Comments