Kryesuesi i BE-së për politikë të jashtme dhe siguri J. Borrell, ftoi në Bruksel në takim urgjent kryeministrin e Kosovës Albin Kurti dhe presidentin serb Vuçiq, për të provuar një zgjidhje të mundshme për çështjen targave ilegale të lëshuara nga Serbia në komunat veriore të Kosovës me shumicë serbe.
Takimi i
Brukselit, doli që nuk ishte ftuar për dialog Kosovë-Serbi siç thuhet të
lehtësuar nga BE, por skenar i Vuçiq-Borrell-Kajçak, për t'i imponuar Albin
Kurtit kushte të papranueshme, që cenojnë rëndë integritetin dhe sovranitetin e
Kosovës dhe favorizojnë falangat, bandat kriminale serbe në veri të Kosovës.
Kryeministri
Albin Kurti, si askush ndonjëherë më parë, mbrojti me dinjitet të lartë
interesat e Kosovës, duke refuzuar lojën dinake të Borrelit e Vuçiqit.
Me tërheqjen e
planit të tyre, të quajtur "plani franko-gjerman" dhe ofrimi i një
plani fyes për Kosovën, Borrell dhe Lajçak, tentuan ta sjellin Albin Kurtin në
pozitë të vështirë përballë nacionalshovinistit Vuçiq, Albin Kurti qëndroi i
palëkundur në mbrojtje të vendit të tij. Megjithatë, tandemi Borrell-Lajçak dhe
fashisti Vuçiq, janë të vetëdijshëm se, qëndrimi stoik i Albin Kurtit është
qëndrim i popullit shqiptar të Kosovës dhe aleatëve strategjikë të prira nga
ShBA.
Rrumat rusosllave
janë evidente në gjirin e BE-së, por, kurrë s'do të kenë shanset të imponojnë
politikën antikosovë të Serbisë e Rusisë pansllaviste.
Burime
informative, konfirmojnë se, qarqe mediale në Kosovë e Shqipëri dhe opozitare
në Kosovë, veprojnë si palë bashkërenditëse me politikën serbe kundër Kosovës.
Nga Brukseli,
bëhet e ditur që, z. Borrell ka kërcënuar Albin Kurtin me masa obstruktive
kundër Kosovës nëse nuk pranon synimet e Vuçiqit për destabilizimin e Kosovës
dhe legjitimimin e bandave kriminale serbe në veri të vendit.
Kryeministri
Kurti, i hodhi poshtë këto kërcënime, ashtu siç e hodhi poshtë planin "ad
hoc" të Borrelit për targat dhe themelimin e asociacionit të komunave me
shumicë serbe, para se të zhvillohen bisedimet mbi marrëveshjen
gjithëpërfshirëse mes Kosovës e Serbisë me njohje reciproke në qendër. Ky
qëndrim parimor konsekuent i Albin Kurtit, irritoi shovinistin Vuçiq dhe
tandemin Borrell- Lajçak.
Rruga e Kosovës është e vështirë por në finale triumfuese. (S.S.)
Comments