Ideatorët e klaneve obstruksioniste politike dhe medio-propagandistike në Kosovë, në fazën më intensive të angazhimit të diplomacisë euro-amerikane për marrëveshje "finale" Kosovë - Serbi përmes negociatave, dramatikisht, janë mobilizuar kundër qëndrimit parimor konstruktiv të kryeministrit të Kosovës Albin Kurti, i cili me ngulm, përballë presionit të diplomatëve që kërkojnë kompromise në dëm të sovranitetit dhe integritetit territorial të vendit tonë, për themelimin e asociacionit të komunave me shumicë serbe.
Opozita e shkërmoqur
dhe mediat e korruptuara e të blera kosovare, me turr marramendës, sulmojnë Albin
Kurtin, me akuza të fabrikuara, gjoja i pozicionuar kundër Amerikës dhe miqve
tanë perëndimorë dhe kështu, dashje e padashje, kjo opozitë dhe telallët e saj
medio - propagandistik, rreshtohen në krah të Serbisë kundër interesave vitale
të shtetit të Kosovës.
Deklarata e
emisarit amerikan Gabriel Escobar se, asociacionin e komunave me shumicë serbe,
do ta themelojë me partnerë tjerë pa Albin Kurtin, ka trimëruar tejmase opozitën kosovare,
liderët e të cilës, iu kanë premtuar emisarëve euro-amerikanë se, do t'i
realizojnë pa kushte kërkesat e tyre të kushtëzuara nga Serbia.
Albin Kurti, ka
mandatin qeverisës të popullit të Kosovës,
t'i mbrojë interesat e pacenueshmërisë shtetërore të vendit dhe
mbrojtjen nga kërcënimet e hegjemonizmit serbomadh të përkrahur prej Rusisë
putiniane.
Kush mendon se
mikja më e fuqishme e Kosovës Shtetet e Bashkuara të Amerikës, janë armiqë të
Serbisë, janë meskinë, nihilistë dhe profiterë servilë për interesa të egove personale, të klaneve të
caktuara e shumëçka përtej....
(S.S.)
Comments