Më 27 shkurt
2023, në Bruksel u zhvillua takimi mes kryeministrit të Kosovës Albin Kurti dhe
presidentit serb Aleksandar Vuçiq, të ndërmjetësuar nga Borrel dhe Lajçak
përfaqësues të Bashkimit Evropian.
Ky takim,
konsiderua si më i rëndësishmi në 10
vjetët e fundit, me shpresë se, do të arrihej ndonjë marrëveshje mes Kosovës e
Serbisë mbi normalizimin e marrëdhënieve mes dy vendeve.
Presioni
diplomatik dhe propaganda e shfrenuar mediale në Kosovë, krijuan shqetësim në
opinionin kosovar se kryeministri Albin Kurti, do të detyrohet të bëjë
koncesione dhe të pranojë "kompromis të dhimbshëm" në disfavor të
Kosovës, sidomos, që lidhet me formimin e asociacionit të komunave me shumicë
serbe.
Mirëpo, siç e
kishte paralajmëruar më parë, kryeministri Kurti, nuk u bisedua fare për
asociacionin edhe pse presidenti serb Vuçiq kërkoi të futet si çështje për
diskutim.
Me planpropozimin
franko-gjerman, të cilin e prezantoi Josef Borrel, u pajtuan kryeministri Kurti
dhe presidenti serb Vuçiq, të cilin Albin Kurti u shpreh i gatshëm për ta
nënshkruar, ndërsa Vuçiq refuzoi ta nënshkruaj.
Kryeministri
Kurti, me të drejtë e ripërsëriti se, planpropozimi franko-gjerman krijon bazë
të mirë për negociata të mëtutjeshme deri në marrëveshjen finale Kosovë-Serbi
me njohje reciproke në qendër.
Propaganda
mediale dhe faktorë opozitarë politikë në Kosovë, nuk pushuan së zhurmuari se,
Albin Kurti do ta nënshkruajë "zajednicën" në Bruksel, por u dëshmua
e kundërta, kryeministri ynë, me qëndrim parimor konsekuent, i pamundësoi
Serbisë ta fusë në axhendë bisedimesh diskutimin rreth "zajednicës".
Një pjesë e
opozitës dhe e medieve kosovare të rreshtuara pas saj, me muaj të tërë, kanë
ushtruar presion se do ta pranonin kërkesën serbe për themelimin e Bashkësisë
së Komunave me Shumicë Serbe, me pretekstin se po e përkrah Amerika, në anën
tjetër propaganduan që Albini do ta pranojë ose do të jep dorëheqje nga posti i
kryeministrit, çka nuk ndodhi dhe nuk do të ndodhë kurrë.
Tanimë, pozita e
Kosovës në negociata po konsolidohet me meritën e qëndrimit parimor konstruktiv
të kryeministrit Albin Kurti nga i cili Serbia do të detyrohet pa kushte ta
pranojë realitetin e shtetit të Kosovës.
(S.S.)
Comments