Ratifikimi nga
Parlamenti i Kosovës i marrëveshjes për themelimin e Asociacionit të Komunave
me shumicë serbe dhe votimi i Gjykatës Speciale më 2015, për krimet e supozuara
të UÇK-së kundër njerëzimit, i shkaktoi goditjen më të rëndë shtetndërtimit të
Kosovës pas shpalljes së pavarësisë.
Ish liderët e
Partisë Demokratike të Kosovës, të LDK-së dhe parlamentarët e viti 2015, ngarkohen me përgjegjësi historike që ratifikuan
formimin e Asociacionit të komunave me shumicë serbe dhe votuan themelimin e
Gjykatës Speciale për krime të UÇK-së.
Në të dyja
rastet, u cenua rëndë sovraniteti dhe pavarësia shtetërore e Kosovës.
Qeveria e Kosovës
dhe kryeministri Albin Kurti i cili po e
kundërshton themelimin e Asociacionit....sipas kërkesës serbe e cila thirret në
marrëveshjen e ratifikuar të Kuvendit të Kosovës më 2015, duke gjetur shkas,
për shmangien e një marrëveshjeje finale mes Kosovës dhe Serbisë e që e rëndon pozitën e Kosovës edhe në
raport me aleatët evroamerikanë. Kështu Kosova, detyrimisht mbahet në
"status quo", me pengesa të mëdha për zhvillimin e saj ekonomik,
politik e gjithëshoqëror.
Njëkohësisht,
gangrenë që rëndon mbi Kosovën, është Gjykata Speciale me seli në Hagë, ku po
zhvillohet procesi i padrejtë gjyqësor kundër ish liderëve të UÇK-, të supozuar
për krime lufte, me pretekstin absurd, akuzohen për ndërmarrje të përbashkët
kriminale si akt i rëndë i të drejtës humanitare dhe praktikat e luftës.
Nga ky proces
gjyqësor, Kosova përballet me vështirësi të kredibilitetit dhe afirmimit
ndërkombëtar të sovranitetit dhe pavarësisë shtetërore, në sistemin juridik
ndërkombëtar.
(S. S.)
Comments