Çdo njeri, pa
marrë parasysh dukjen fizike të tij/ të saj, identiteti, dinjiteti dhe
individualiteti janë parametra që e bëjnë njeriun të dashur, të respektuar në
rrethet shoqërore.
Karakteret
njerëzore, me gjithë specifikat, krijojnë harmoni vlerash që i shërbejnë
njerëzimit si dimension i kualitetit perspektiv të pakontestueshëm dhe të
admirueshëm gjerësisht.
Në të kundërtën e
perceptimit real objektiv të gjërave, sidomos në shoqërinë shqiptare,
ekzistojnë dukuri të prezantimit
asimetrik të gjërave, në raste të izoluara individuale, me pasoja të
ndikimit vizual.
Cilat janë
dukuritë që dëmtojnë dhe vetëdëmtojnë, në rastin konkret të mërgatës shqiptare
në raport me atdheun?
Teknologjia
moderne e informacionit dhe komunikimit mundëson njohje virtuale dhe kontakte
të shpejta komunikimi mes njerëzve nga të gjitha distancat gjeografike të
botës.
Për shkak të
gjendjes së rënduar ekonomike-sociale në atdhe, shumë të rinj e të reja, kërkojnë
të gjejnë mundësinë të largohen nga vendi në drejtim të vendeve perëndimore, me
shpresë sigurimin e një jete më të mirë.
Mërgata jonë si
tërësi, ruan dhe ushqen dashurinë për atdheun dhe me punë e djersë qëndron mirë
me standardin jetësor dhe integrimin në shoqëritë e vendeve ku jetojnë, por, ka
të tillë që s'kanë arritur të konsolidohen me punë dhe integrim sikur shumë
bashkëmoshatarë të tyre që janë shkolluar e shkollohen.
Për fat të keq,
të rinjtë e të rejat, me perspektivë të kufizuar në mërgatë, zgjedhin mënyrën
më të pakëndshme të zgjidhjes së problemeve partneriale dhe si rezultat
përfundojnë të pasuksesshme.
Një i ri ose e re
në mërgatë, kur hunë në lidhje me moshatarët e tyre në atdhe, premtojnë shumë
për të arrira të parealizuara, saktësisht, i mashtrojnë moshatarët e tyre për
gjoja jetë luksoze, me veshje e pamje fizike të artificializuara dhe kur të
takohen në vendlindje, apo kur të vijnë në mërgim, pa u parë fizikisht më parë,
bien në kundërshtim, duke mos u pëlqyer me shumëçka. Si përfundim, për këtë
arsye prishen partneritete gjithsesi edhe martesa të ndërtuara me gënjeshtra.
Komunikimi dhe
kontakti fizik është i pazëvendësueshëm me kontaktin virtual, shpesh i
manipuluar.
Albulena Qehaja /
Sejdi Sopi.
Comments