Në zgjedhjet e jashtëzakonshme të 23 prillit 2023, në katër komunat e Kosovës Veriore me shumicë serbe, procesi zgjedhor u zhvillua i qetë, pa probleme, edhe pse Beogradi me listën çetnike, urdhëruan qytetarët serbë t'i bojkotojnë.
Fitorja simbolike
e kandidatëve shqiptarë për kryetar të katër komunave me shumicë serbe, krijon
situatë të re, gjegjësisht ndihmon çlirimin e popullsisë serbe nga presioni i
madh i bandave kriminale të Radojçiqit e Rakiqit të mbështetura nga shovinisti
serbomadh Aleksandër Vuçiq, të cilët, me këto zgjedhje, goditet pretendimi
banditesk i strukturave kriminale paramilitare serbe që dominuan me vite në
katër komunat në veri të Kosovës.
Tani, qytetarët
serbë në këto komuna, do të jenë të çliruar nga propaganda e banditëve e
kontrabanditëve serbë, që i mbajtën peng dhe nën trysninë e tyre, të shantazhit e kërcënimeve që kjo
popullsi serbe t'i nënshtrohet
kriminelëve profiterë.
Serbët e Kosovës
veriore, tani kanë mundësinë ideale, të punojnë e jetojnë të lirë në vendbanimet
e tyre, pa u diskriminuar e shantazhuar nga ekstremistët kontrabandistë serbë,
t'iu kthehen normalitetit dhe jetës së sigurtë, të garantuara nga institucionet
shtetërore të Kosovës.
Kontributi i
serbëve në aspektin e stabilitetit dhe sigurisë, është grusht goditës për
hegjemonizmin serbomadh dhe njëkohësisht
fuqizim i sovranitetit dhe integritetit territorial të Republikës së Kosovës.
Republika e
Kosovës, është garancë e të drejtave për
të gjithë shtetasit e saj pa dallim kombësie apo etnie, e bazuar në vlerat më
të çmuara të lirisë individuale e kolektive të demokracisë sipas standardeve evroperëndimore.
(S.S)
Comments