Njerëzit në qytetin Osterode am Herz pëlqejnë të jetojnë aty, këtë e kanë bërë këtë për 3000 vjet. Një gjetje arkeologjike dhe një analizë e ADN-së e vërtetojnë këtë.
"Familja më e vjetër në botë" jeton
në Saksoninë e Ulët - Gjermani. Të paktën dy burrat ; Manfred Huchthausen dhe
Stefan Lange mund të dëshmojnë
aktualisht pemën familjare më të gjatë në botë. Në vitin 2008, analiza e ADN-së
zbuloi se të dy ishin pasardhës të drejtpërdrejtë të njerëzve të shpellave nga
epoka e bronzit. Pema familjare tregon një karakter mbresëlënës sedentar, sepse
edhe pas 3000 vjetësh familja ende jeton në të njëjtin vend.
Dy burra janë pjesë e një familjeje 3000-vjeçare
Të dy
burrat jetojnë në dy fshatra fqinjë në rrethin Osterorde në skajin
jugperëndimor të maleve Harz në Saksoninë e Poshtme. Shtëpia e njërit
burrë gjendet në fshatin Förste e që është vetëm dy kilometra larg vendit ku u
gjeten eshtrat e të parëve të tij.
Në vitin 1980, në
shpellat “Lichtenstein” ku këta kanë mundur të luajnë kur
ishin fëmijë, u gjetën 4,323 kocka nga 62 njerëz të moshave të
ndryshme . Këto gjetje në vitin
1990 u analizuan sistematikisht nga arkeologu Stefan Flindt dhe ekipi i tij.
Skelete të
ruajtura jashtëzakonisht mirë
Antropologia
Susanne Hummel nga Universiteti i Göttingen-it ishte entuziaste për cilësinë e
ADN-së në kocka, e cila ishte ruajtur nga temperaturat e ftohta të
shpellës që sillen prej gjashtë deri në tetë gradë Celsius dhe lëngu gëlqeror i krijuar
nga uji që pikonte.
Sipas studiuesit,
cilësia e ADN-së ishte madje e krahasueshme me gjetjet moderne të ADN-së, për
shembull nga ato të skenave të krimit. Rezultatet e hulumtimit janë
paraqitur edhe në faqen e internetit të Universitetit të Göttingen. Eshtrat e
fundit u gjetën në vitin 2013.
Banorët e Osteroderit janë të lidhur me njerëz nga epoka e bronzit
Kur u analizuan
mjaft kocka nga shpella, studiuesit u bënë thirrje qytetarëve të Osterode të bënin
një test të pështymës (ADN). 273 banorë donin të dinin nëse ishin pasardhës të
të vdekurve të epokës së bronzit të vonë. Dhe ky ishte vërtet rasti me dy
burrat; Huchthausen dhe Lange. Ata ishin pjesë e dy familjeve bërthamore të
zbuluara nga studiuesit që kanë jetuar në këtë pjesë të maleve Harz për mijëra
vjet.
Brenda natës, kjo
i bëri ata ndoshta banorët më të famshëm të rajonit. Madje ata tashmë e njohin
edhe njëri-tjetrin.
Kopjet e eshtrave
të paraardhësve të dy burrave u ekspozuan në qendrën e rekreative të shpellave në Bad Grund. Shpella imitim
është rikrijuar si lokacionin arsimor për shkak se nuk është e aksesueshme për
vizitorë
Jo një vend flijimi, por ndoshta një varr klani
Studiuesit
fillimisht dyshuan se shpella ishte një vend flijimi, sepse njerëzit zakonisht
digjeshin në epokën e bronzit. Por rezultatet e ADN-së e hodhën poshtë këtë
teori. Përkundrazi, studiuesit tani supozojnë se të vdekurit ishin anëtarë të
rangut më të lartë të një klani që u varrosën aty.
Janë 120
breza midis atyre që janë varrosur dhe pasardhësve të tyre deri më sot. Besohet
se rezervat e kripës në zonë siguruan të ardhura dhe rrjedhimisht vazhdimësi
për mijëra vjet.
Comments