Dje, në Beograd urgjentisht u takuan, kryekriminelët e Beogradit dhe të Banjallukës
Aleksandar Vuçiq dhe Milorad Dodik, me paritë e tyre, për të diskutuar të
përvëluese për Serbinë, paralajmërimin e Këshillit të Përgjithshëm të
Organizatës së Kombeve të Bashkuara, e cila do ta sjellë një rezolutë ku do ta
shpall masakrën e Srebrenicës gjenocid të shkaktuar nga Serbia.
Në fjalimin e tij në këtë takim kriminelësh
serbë të Beogradit e Banjallukës, Aleksandar Vuçiq, i nxituar nga urrejtja
shoviniste, njëkohësisht i trembur për pasojat e një miratimi të rezolutës për
gjenocidin në Srebrenicë nga organi më i lartë politik botëror (KP i OKB-së),
shpërtheu në propagandë të papërmbajtur dhe rrahagjoks të pambulesë kundër fuqive
perëndimore përfshirë edhe NATO-on.
Kryeshovinisti serb Vuçiq, glorifikoi kombin
serbë me gënjeshtra të njohura, me thirrjen për bashkimin e serbëve gjithandej.
Në akuzat e vrazhda, Vuçiq, pos fuqive perëndimore,
akuzoi Kosovën dhe kryemistrin e saj Albin Kurti për gjoja terrorin e ushtruar
kundër minoritetit serb në Kosovë.
Vuçiq shprehu mllefin gjithashtu ndaj mikes
serbe Francës, presidenti francez Macron i kishte kushtëzuar blerjen e avionëve
ushtarakë rafale me vënien e sanksioneve Rusisë.
Një rezolutë e aprovuar në Kombet e Bashkuara
për gjenocid në Srebrenicë, e detyron Serbinë të paguaj reparacionet e dëmeve
të shkaktuara në luftërat në Bosnjë, por i hapë rrugë reparacioneve në të
gjitha luftërat agresive të saj në Ballkan, si fajtore, kryese e gjenocidit.
(Sejdi Sopi)
Comments