Të huaj të pasur mund të kenë qëlluar civilë në rrethimin e Sarajevës – përmendet edhe presidenti serb Vuçiç
Një gjykatë në Itali po heton dyshime tronditëse se gjatë rrethimit të Sarajevës në vitet ’90, të huaj të pasur kanë paguar për të marrë pjesë në të ashtuquajturat “safari snajperësh”, ku dyshohet se kanë qëlluar mbi civilë të pambrojtur. Në këto hetime është përfshirë edhe presidenti aktual i Serbisë, Aleksandar Vuçiç.
Sipas agjencisë italiane ANSA, gazetari kroat Domagoj Margetić ka depozituar një kallëzim në Gjykatën e Milanos, ku pretendon se Vuçiç ka qenë i pranishëm në një nga pozicionet ushtarake nga të cilat vepronin këta “snajperë të fundjavës”. Rrethimi i Sarajevës u krye nga forcat serbe të Bosnjës gjatë viteve 1992–1995.
Dyshimet bazohen në dëshmi të reja
Hetimet në Itali nisën pasi shkrimtari italian Ezio Gavazzeni paraqiti prova nga një ish-oficer i shërbimit sekret të Bosnjës. Ky i fundit ka pohuar se shtetas italianë kanë paguar shuma të mëdha parash për të marrë pjesë në qitje kundër banorëve të qytetit të rrethuar. Ata dyshohet se udhëtonin nga Milano, Torino dhe Trieste drejt Beogradit, e më pas në Bosnjë, me ndihmën e pjesëtarëve të ushtrisë serbe.
Sipas hetuesve, të huajt transportoheshin me helikopter ose me automjete drejt kodrinave përreth Sarajevës – zonat nga ku snajperët terrorizonin qytetin.
Emri i Vuçiç përmendet në disa dëshmi
Gazetari Margetić pretendon se Vuçiç, atëherë i ri, ka shërbyer si vullnetar në një post ushtarak që u përdorte edhe nga të huajt. Ai citon gazetën britanike The Times, sipas së cilës “nuk ka dyshim se Vuçiç ka qenë në vitet 1992–1993 në varrezat hebraike”, vend që konsiderohej si pikë e privilegjuar për snajperët e huaj.
Margetić thotë se ka prova se Vuçiç ishte pjesë e një milicie nën komandën e Slavko Aleksić. Ai përmend edhe një intervistë të vitit 1994, ku Vuçiç vetë thoshte se kishte luftuar si vullnetar në varrezat hebraike. Komandanti Aleksić, në vitin 2017, sipas gazetarit, ka konfirmuar se Vuçiç ka qenë pjesë e njësisë së tij, madje ka shërbyer si përkthyes për të huajt që mbërrinin atje.
Po ashtu, qarkullon edhe një video e vjetër ku thuhet se shihet Vuçiç me një armë serbe në duar – gjë që zyra e presidentit e mohon, duke thënë se objekti ishte vetëm një stativ kamere.
Reagimi zyrtar i Beogradit
Zëdhënësja e presidentit, Suzana Vasiljeviç, ka hedhur poshtë me forcë të gjitha akuzat, duke i quajtur “keqdashje të pastër” që synojnë të dëmtojnë reputacionin e Serbisë dhe presidentit të saj. Ajo këmbëngul se Vuçiç në atë kohë punonte si përkthyes dhe gazetar në Pale, afër Sarajevës, dhe “nuk ka pasur asnjë lidhje me operacione ushtarake”.
“Safaritë e njerëzve”: dëshmi të tjera dalin në dritë
Diplomati italian Michael Giffoni, i cili ka shërbyer në Sarajevë gjatë luftës, ka deklaruar se asokohe kishte dëgjuar shpesh se “makina me njerëz të pasur vinin nga çdo drejtim – gjahtarë, biznesmenë dhe të tjerë”.
Ai i ka thënë gazetës italiane La Repubblica se një oficer boshnjak i inteligjencës, Edin Subašić, e kishte informuar për dëshmi të reja: një paramilitar serb i arrestuar kishte rrëfyer se grupe rusësh dhe italianësh fluturonin fillimisht drejt Triestes dhe më pas shkonin në Bosnjë për të qëlluar mbi popullatën civile të Sarajevës së rrethuar.
Një gjykatë në Itali po heton dyshime tronditëse se gjatë rrethimit të Sarajevës në vitet ’90, të huaj të pasur kanë paguar për të marrë pjesë në të ashtuquajturat “safari snajperësh”, ku dyshohet se kanë qëlluar mbi civilë të pambrojtur. Në këto hetime është përfshirë edhe presidenti aktual i Serbisë, Aleksandar Vuçiç.
Sipas agjencisë italiane ANSA, gazetari kroat Domagoj Margetić ka depozituar një kallëzim në Gjykatën e Milanos, ku pretendon se Vuçiç ka qenë i pranishëm në një nga pozicionet ushtarake nga të cilat vepronin këta “snajperë të fundjavës”. Rrethimi i Sarajevës u krye nga forcat serbe të Bosnjës gjatë viteve 1992–1995.
Dyshimet bazohen në dëshmi të reja
Hetimet në Itali nisën pasi shkrimtari italian Ezio Gavazzeni paraqiti prova nga një ish-oficer i shërbimit sekret të Bosnjës. Ky i fundit ka pohuar se shtetas italianë kanë paguar shuma të mëdha parash për të marrë pjesë në qitje kundër banorëve të qytetit të rrethuar. Ata dyshohet se udhëtonin nga Milano, Torino dhe Trieste drejt Beogradit, e më pas në Bosnjë, me ndihmën e pjesëtarëve të ushtrisë serbe.
Sipas hetuesve, të huajt transportoheshin me helikopter ose me automjete drejt kodrinave përreth Sarajevës – zonat nga ku snajperët terrorizonin qytetin.
Emri i Vuçiç përmendet në disa dëshmi
Gazetari Margetić pretendon se Vuçiç, atëherë i ri, ka shërbyer si vullnetar në një post ushtarak që u përdorte edhe nga të huajt. Ai citon gazetën britanike The Times, sipas së cilës “nuk ka dyshim se Vuçiç ka qenë në vitet 1992–1993 në varrezat hebraike”, vend që konsiderohej si pikë e privilegjuar për snajperët e huaj.
Margetić thotë se ka prova se Vuçiç ishte pjesë e një milicie nën komandën e Slavko Aleksić. Ai përmend edhe një intervistë të vitit 1994, ku Vuçiç vetë thoshte se kishte luftuar si vullnetar në varrezat hebraike. Komandanti Aleksić, në vitin 2017, sipas gazetarit, ka konfirmuar se Vuçiç ka qenë pjesë e njësisë së tij, madje ka shërbyer si përkthyes për të huajt që mbërrinin atje.
Po ashtu, qarkullon edhe një video e vjetër ku thuhet se shihet Vuçiç me një armë serbe në duar – gjë që zyra e presidentit e mohon, duke thënë se objekti ishte vetëm një stativ kamere.
Reagimi zyrtar i Beogradit
Zëdhënësja e presidentit, Suzana Vasiljeviç, ka hedhur poshtë me forcë të gjitha akuzat, duke i quajtur “keqdashje të pastër” që synojnë të dëmtojnë reputacionin e Serbisë dhe presidentit të saj. Ajo këmbëngul se Vuçiç në atë kohë punonte si përkthyes dhe gazetar në Pale, afër Sarajevës, dhe “nuk ka pasur asnjë lidhje me operacione ushtarake”.
“Safaritë e njerëzve”: dëshmi të tjera dalin në dritë
Diplomati italian Michael Giffoni, i cili ka shërbyer në Sarajevë gjatë luftës, ka deklaruar se asokohe kishte dëgjuar shpesh se “makina me njerëz të pasur vinin nga çdo drejtim – gjahtarë, biznesmenë dhe të tjerë”.
Ai i ka thënë gazetës italiane La Repubblica se një oficer boshnjak i inteligjencës, Edin Subašić, e kishte informuar për dëshmi të reja: një paramilitar serb i arrestuar kishte rrëfyer se grupe rusësh dhe italianësh fluturonin fillimisht drejt Triestes dhe më pas shkonin në Bosnjë për të qëlluar mbi popullatën civile të Sarajevës së rrethuar.
Comments