23 vjet
më parë, Kosova u çlirua nga shovinizmi i egër gjakatar serbomadh.
Kosova
e sfilitur nga robëria shekullore, me popullin e shtypur e të përndjekur
sistematikisht nga pushtues të njëpasnjëshëm, me çlirimin e saj, u sfidua nga
një realitet i hidhur me dimensione të pa imagjinuara.
Me gjithë respektin, për të arriturat kolosale
gjithëzhvillimore, Kosova ka përjetuar dhe vazhdon të përballet me shkatërrimin
marramendës të ambientit dhe urbanizmit anakronik.
S'ka milimetër të tokës së dashur të Kosovës,
që i ka shpëtuar dorës vrastare të njerëzve të saj, këto 23 vjet të çlirimit.
Malet prehen e shkatërrohen si është më zi.
Tokat bukëprodhuese, masovikisht janë shndërruar në kantiere pa fund të
betonimeve e ndërtimeve, grumbuj inertesh kërcënues të sigurtë kancerogjenësh.
Përrreth rrugëve, fushat mahnitëse dhe lumenjtë e kristaltë, janë mbuluar me
plehra kundërmuese e infektive, plastika, xhama qenë të ngordhur e të gjallë
endacakë dhe inerte më të rrezikshme për shëndetin njerëzor, ku njeriu s'ka ku
ta vë këmbën. Qytetet dhe fshatrat e Kosovës janë bërë të pabanueshme falë
degjenerimit total të ndërtimeve pa kritere, pa asnjë rregull urbanistik. Mafia
ndërtimore e ka uzurpuar hë për hë gjithë territorin e vendit. E kanë
shndërruar si "vend pa zot" tokën, vendin tonë të shtrenjtë.
Qeveria dhe institucionet përgjegjëse të këtij
pushteti kosovar, kanë shansin e fundit të alarmohen për krimin që i bëhet
vendit tonë nga njerëzit e pandërgjegjshëm të këtij vendi të pllakosur eko -
urbanistik.
Një nga kriteret e Bashkimit Evropian, për
liberalizimin e vizave dhe integrimin e Kosovës në familjen e BE-së, është
padiskutim, ruajtja dhe mbrojtja e
ambientit dhe urbanizmit nga masakrimi që i bëhet.
Sa kohë të ketë Kosovë, të pambrojtur nga
ndotja katastrofale dhe masakrimi urbanistik, për aq kohë, populli i Kosovës do
të ngelet larg dyerëve të Bashkimit Evropian.
Matne patriote e patriotë!
Comments