Në raportin "Reporterët pa kufij" për këtë vit, Kosova radhitet në vendin 61, që do të thotë, përmirësim i ndjeshëm i lirisë së shtypit, krahasuar me një vit më parë, ku Kosova radhitej në ranglistën botërore në vendin e 78. Sipas këtij raporti, Kosova qëndron më mirë se të gjitha vendet e Ballkanit Perëndimor.
Kontribut të
rëndësishëm në fushën e shtypit të lirë, ka dhënë Kuvendi i Kosovës, i cili
sivjet miratoi ligjin për mbrojtjen e gazetarëve me avokatë pa pagesë.
Por sa dhe si e
realizojnë këtë të drejtë universale gazetarët e Kosovës?
Pozitën jo të
mirë të gazetarëve të Kosovës e bën edhe më të vështirësuar ndikimi dhe trysnia
mbi ta e qarqeve politike, financiare dhe banesorë me influencë në jetën publike të vendit.
Gazetarët në
Kosovë, kryejnë me ndërgjegje dhe përgjegjësi misionin e informimit korrekt të
opinionit çka duhet përgëzuar, por, për fat të keq, në gazetarinë kosovare,
operon një klan gazetarësh, analistësh dhe mediume të shkruara e vizive që,
shkelin etikën gazetareske të informimit objektiv dhe për interesa profitere
personale e qarqeve të ndryshme
shndërrohen në vegla të instrumentalizuara të dezinformimit, shpifjes..., si
mjet propagandistik të pabazuar kundër faktorëve me potencial institucionalë e shoqëror.
Gazetarët e
nderuar, janë të thirrur të konstatojnë se, shpifjet, publikimet e
pakonfirmuara, deklarimet e rreme dhe montimet dashakeqe, ndaj kujtdo që
drejtohen, kualifikohen insinuata përtej
etikës së gazetarisë, në kundërshtim me të drejtën e mendimit dhe shprehjes së
lirë të fjalës.
Institucionet
shtetërore, nuk ia vlenë të ndërhynë në punën e gazetarëve edhe në rastet kur
shkelin etikën e gazetarit me informata tendencioze dezinformuese për
opinionin, por, detyrë e subjekteve që përfaqësojnë gazetarinë, për të mbrojtur
e siguruar informimin objektiv të publikut, duhet të reagojnë e të denoncojnë
deklarimet apo publikimet e paargumentuara individuale që të ruhet substanca e
korrektësisë së gazetarisë objektive.
Si çdo shtetas
edhe gazetarët kanë të drejtë të kritikojnë e të denoncojnë gjitha llojet e
keqpërdorimeve, sidomos të institucioneve shtetërore, me objektivë që i
shërbejnë të mirës së vendit dhe qytetarëve, por jo, me veprime që dëmtojnë
funksionimin e shtetit.
Comments