Trupi gjykues i Gjykatës Speciale, të Kosovës në Hagë, shpalli fajtorë dhe dënoi me nga 4 vjet e gjysmë burg, kryetarin e Shoqatës së Veteranëve të UÇK-së Hysni Gucati dhe zëvendësin e tij Nasim Haradinaj.
Bazuar në
karakterin e veprave që u ngarkohen dy të dënuarve z. Gucati dhe Haradinaj,
sipas ligjeve dhe kodit penal të Kosovës, kjo masë e dënimit mund të
kualifikohet si dënim drakonik, i pa mbështetur në prova dhe argumente relevante.
Kundër këtij
vendimi të ashpër, do të reagojë
mbrojtja e të dënuarve dhe ta apeloi në shkallën e dytë të kësaj gjykate dhe me të drejtë ta rrëzojë
vendimin e shkallës së parë, si të pabazuar dhe tejet të lartë.
Gjykata Speciale
në Hagë, edhe pse si kategori
kushtetuese e miratuar në Kuvendin e Kosovës, me funksionimin e saj arbitrar,
vepron e mbyllur jashtë sistemit juridik dhe institucioneve të Kosovës.
Sido që
perceptohet, Gjykata e njëanshme Speciale, si qëllim të fundit ka, vënien para
përgjegjësisë penale liderët dhe eksponentë të ish Ushtrisë Çlirimtare të
Kosovës nën akuzën e paqëndrueshme " Ndërmarrje e përbashkët
kriminale" për krime lufte dhe krime kundër njerëzimit!
Zyrtarisht,
Gjykata Speciale në Hagë, njihet si formacion juridiko-penal i Republikës së
Kosovës, por që, për punën e saj nuk i
jep llogari themeluesit të saj. Të shumtën e dëshmive kundër të akuzuarve të
paraburgosur në burgun e Hagës, Gj.S. i ka siguruar nga dëshmitarë të mbrojtur
të dyshimtë dhe dosje të montuara nga gjykata serbe.
Rasti i dënimit
të rëndë të Hysni Gucatit dhe Nasim Haradinajt, paraqet shqetësim të natyrshëm,
për fatin e të paraburgosurve Hashim Thaçi, Kadri Veseli, Jakup Krasniqi,
Rexhep Selimi dhe Sali Mustafa, të cilët mund të ballafaqohen me situata të vështira
të gjykimit.
Të gjithë
njerëzit dhe faktorët relevantë në Kosovë, përballë kësaj situate, detyrimisht,
janë thirrur të vetëpërmbahen nga deklarata dhe retorika të gabuara, sepse,
deklarimet e papërgjegjshme, vështirësojnë pozitën e të paraburgosurve me
pasoja rënduese.
Është e
pandershme dhe e patolerueshme që, me t'u publikuar vendimi i trupit gjykues të
Gj. S., persona publikë e jopublikë në Kosovë, shpërthyen me deklarata të
papërmbajtura, deri me linçime të pajustifikuara, të cilat japin shkas rëndimit
të të akuzuarve të paraburgosur.
Për të tejkaluar
situata të vështira, nevojitet urtësi, arsye pa paragjykime.
Comments