Opozita kosovare, krejt retorikën propagandistike e ka përqendruar në akuza kundër Qeverisë Kurti, si e paaftë në përballje me zhvillimet e brendshme dhe e injoruar në rrafshin diplomatik sidomos nga ShBA dhe shtete mike të Kosovës!!!!
Mirëpo,
vetëm përgjatë javës që po lëmë pas, diplomacia kosovare në arenën
ndërkombëtare ka bërë bum si kurrë më parë.
Turneu diplomatik i presidentes së Kosovës z.
Vjosa Osmanit në Amerikën Latine, Uashington, Lituani....konfirmuan suksese të ndjeshme
në angazhimin politik - diplomatik të zonjës presidente.
Përkundër që, opozita kosovare, po mundohet të
minimizojë rëndësinë e vizitës zyrtare të kryeministrit Albin Kurti në ShBA,
vizita e tij dyjavore në Amerikë, po dëshmohet mjaftë e suksesshme. Në takimin
e parë z. Kurti siguroi 200 milionë dollarë investime në zhvillimin energjetik
të Kosovës. Pastaj, nga ShBA, pritet të
sigurojë përkrahje dhe ndihma ushtarake e policore për FSK-në dhe Policinë e
Kosovës dhe sektorë tjerë zhvillimor të vendit tonë. Takimet me zyrtarë të
lartë amerikanë, pa dyshim janë të rëndësishëm në sytë e opinionit publik, por,
për Kosovën është jetike, nga ShBA të sigurohen ndihma ekonomike - financiare
dhe diplomatike, pa bujë si përcepcion i
opozitës.
Ministrja e Punëve të Jashtme dhe Diasporës,
z. Donika Gërvalla, zhvilloi vizitë shumë të suksesshme në Izrael, ku
nënshkruajti disa marrëveshje të rëndësishme bashkëpunimi me Izraelin, me leverdi
të jashtëzakonshme për zhvillimin ekonomik dhe të infrastrukturën për vendin
tonë.
Sukses optimal i ministres Gërvalla, është,
aplikimi për anëtarësim në Këshillin e Evropës.
Këto vizita zyrtare, të përfaqësueseve
politikë e shtetërorë të Kosovës nëpër botë, forcojnë dhe rrisin pozitën
ndërkombëtare të shtetit të Kosovës.
Comments