Në historinë e ekzistencës së shtetit shqiptar, jo rrallë herë Parlamenti i Shqipërisë londineze është dëshmuar si vasalë i verbër i monarkive fqinje antishqiptare, që shumë lirë tregtoi me interesat e Shqipërisë e të kombit tonë, në të gjitha etapat e zhvillimit historik!
Mosmiratimin e rezolutës për njohjen e
gjenocidit në Srebrenicë, Parlamenti shqiptar,
mbulohet me njollën e zezë, si akt paprecedent i pajustifikuar që komprometon
keq politikën aktuale shqiptare të Qeverisë dhe Parlamentit të dominuar nga
socialistët e Edi Ramës.
Oligarkia e ashtuquajtur socialiste e
përfaqësuar nga Edi Rama dhe Taulant Balla, turpërisht e rreshtuan Shqipërinë
në krah të shovinizmit serbomadh, e të përgjegjësit direkt të gjenocidit serb
në Srebrenicë Aleksandër Vuçiqit.
Arsyetimi i Ramës e Ballës se, rezolutën për
gjenocidin në Srebrenicë e inicoi kryeoligarku, autokrati djathtist Sali
Berisha për qëllime djallëzore, nuk e mbulon fytyrën e vërtetë të Edi Ramës si
vasal i Aleksandër Vuçiqit dhe mirëmbajtës i interesave serbo-ruse në Ballkan,
me pasoja shkatërrimtare për kombin shqiptar, posaçërisht goditje kundër
shtetësisë së Kosovës.
Parlamentarët socialistë të Edi Ramës, nuk e
votuan rezolutën për gjenocidin serb në Srebrenicë, duke dalur qartas në mbrojtje të politikës gjenocidale serbe në luftërat
në ish Jugosllavi dhe gjenocidit serbomadh në Kosovë, në parandalimin e të
cilit, intervenoi ushtarakisht NATO në krye me ShBA-të.
Shkaku i mosvotimit të rezolutës për
gjenocidin serb në Srebrenicë në Parlamentin shqiptar, nuk është pse e inicoi
Sali Berisha, ortaku i Edi Ramës për të
gjitha të zezat që ia bënë Shqipërisë, por, për shkak që, Edi Rama i qëndron besnik marrëveshjes
sekrete me Vuçiqin për ndarjen e Kosovës dhe zhdukjen e shtetit të Kosovës nga
harta gjeografike.
Mediat më prestigjioze dhe diplomatë të
demokracive perëndimore, në shkrimet dhe prononcimet e tyre, kanë reaguar me
habi e neveri, si është e mundur Parlamenti shqiptar të rrëzojë kaq turpshëm
një rezolutë për gjenocidin në
Srebrenicë i njohur nga të gjitha vendet demokratike.
Në opinionin shqiptar në Kosovë, Shqipëri e
gjithandej... duhet të denoncohen me forcën e argumenteve, klanet politike,
mediatike e civile që veprojnë si dorë e
zgjatur ,"kolonë e pestë" në shërbim të sigurtë të Serbisë,
me kërcënim permanent ndaj shtetndërtimit të Kosovës.
Comments