Historia e kombit
shqiptar, shpesh është treguar e ashpër dhe inatçore ndaj bijave dhe bijve të
këtij populli, të cilët sakrifikuan jetën e tyre, që ky popull t'iu përballojë
furtunave të egra kohore. Të mbahet në këmbë. Të zhvillohet e të ec përkrah
popujve tjerë majave të prosperitetit e
të dinjitetit individual e kolektiv.
Vigani kombëtar
Adem Demaçi, qysh në moshë të njomë, pa i mbushur 20 vjet, u ngritë si feniksi,
mbi fatin tragjik të popullit shqiptar dhe "esnafëve" të në shërbim
të pushtuesve shekullor serbomëdhenj e jugosllavë dhe me tërë energjinë morale
patriotike, i tha mjaftë robërisë dhe denigrimit kombëtar shqiptar.
28 vite burg të
vuajtura nëpër kazamate jugosllave, Adem Demaçin tonë, nuk e lëkundën, nuk e
gjunjëzuan, por vetëm e shndërruan në figurë qendrore të historisë sonë,
lokomotivë të lëvizjes kombëtare për liri e bashkim, përparim e dinjitet
kombëtar.
Nuk gjendet
shembull në botë, të ketë bërë aq shumë për lirinë e popullit të tij sa Adem
Demaçi. Nuk ka rast në botë, të ketë vuajtur aq shumë dhe aq gjatë sa Adem
Demaçi dhe ta ruaj aq mrekullueshëm kohezionin moral e patriotik si ujët e
kristaltë.
Kur Adem Demaçi
doli nga burgu më 1990, rrethanat
politike kishin ndryshuar akoma më keq.
Kosova kishte humbur edhe ato pak drejta të garantuara më parë. Në vend
sundonte politika e dhunës dhe terrorit shovinist mbi popullin tonë. Në anën
tjetër Lidhja Demokratike e posa formuar aktronte demokracinë.
Edhe pse pas
daljes nga burgu Adem Demaçi, e pranoi mënyrën e organizimit pluralist, por
shpejt e kuptoi rolin pacifizues të saj.
Adem Demaçi, bëri
ç'është e mundur në revitalizimin e rezistencës popullore kundrejt logjikës nënshtruese që kishte instaluar LDK.
Ai, përkrahu nga themelimi UÇK-në dhe luftën e saj çlirimtare dhe u emërua
përfaqësues politik i saj.
Adem Demaçi, deri
në frymën e fundit, qëndroi stoik në krye të përpjekjeve për konsolidimin dhe
ndërtimin e demokracisë dhe drejtësisë në shtetin e Kosovës. Punoi dhe luftoi
pakompromis në mbrojtjen dhe fuqizimin e vlerave të lirisë së Kosovës.
Adem Demaçi, na
la trashëgimi veprën kolosale monumentale të luftës për liri, dinjitet dhe
përparim kombëtar.
(S.S
)
Comments