Një studim i ri zbulon një nga kapitujt më dramatikë në historinë njerëzore: për shkak të kushteve ekstreme klimatike, njerëzimi pothuajse u zhduk rreth 70,000 vjet më parë. Popullsia u tkurr në vetëm 2,000 njerëz që jetonin së bashku në grupe të vogla.
Sipas studimit gjenetik të botuar në American Journal of
Human Genetics, rreth 70,000 vjet më parë kishte vetëm rreth 2,000 njerëz që
jetonin së bashku në grupe të izoluara dhe të vogla.
Kjo ishte e para që shqyrtoi zhvillimin e njerëzve që nga
“Eva Mitokondriale”, një grua që jetoi 200 mijë vjet më parë, nga ADN-ja e së
cilës thuhet se ka dalë ajo e njerëzve të sotëm, deri në kohën e emigrimit të
parë nga kontinenti afrikan.
Afrika Lindore vuajti nga periudha ekstreme të thatësirës
midis 135,000 dhe 90,000 vjet më parë. Klima ekstreme ka bërë që njerëzit të
ndahen në grupe të vogla dhe të izoluara, thanë Doron Behar, një studiues në
Qendrën Mjekësore të Izraelit Rambam dhe Saharon Rosset i Qendrës Shkencore IBM
në Nju Jork, dy autorët kryesorë të studimit.
Si rezultat, numri i njerëzve ra "pothuajse në zhdukjen
e tyre" në periudhën që pasoi. Vetëm rreth 40,000 vjet më parë njerëzit në
kontinentin afrikan u bashkuan dhe u bënë pjesë e një popullsie të integruar
pan-afrikane që shkoi prej andej në të gjitha anët e botës.
“Studimi demonstron fuqinë e gjenetikës për të zbuluar
ngjarje kyçe në historinë njerëzore”, tha Spencer Wells nga National Geographic
Society, e cila bashkëfinancoi studimin.
"Një dramë e vërtetë heroike që është shkruar në ADN-në
tonë," tha Wells, duke iu referuar njerëzimit që fillimisht u kërcënua me
zhdukje dhe përfundimisht populloi të gjithë botën. Rreth 6.6 miliardë njerëz
jetojnë sot në tokë.
Comments