Më 28 tetor, Qeveria e Kosovës vendosi të modifikojë vendimin paraprak për regjistrimin e automjeteve me targa legale zyrtare "RKS" kundrejt atyre me regjistrim ilegal, të trashëguara nga Serbia milosheviqiane.
Më 1 Nëntor 2022, hyn në fuqi vendimi i Qeverisë së Kosovës, për ndalim qarkullimin e automjeteve me regjistrim të Serbisë në territorin e Kosovës, pronarë të të cilave janë shtetas të republikës sonë të përkatësisë minoritare serbe.
Në këtë situatë aq ndërlikuese, shkaktuar nga
agresioni rus kundër Ukrainës, kërcënimet ushtarake të Serbisë ndaj Kosovës dhe
kërkesa amerikane për shtyrjen e afatit 10 mujor për regjistrimin e automjeteve
me targa legale të Kosovës, Qeveria Kurti, mori një vendim modifikues të
zgjidhjes së kësaj çështje në faza të përcaktuara deri në përmbyllje të këtij
problemi më 21 prill 2023.
Ky vendim i Qeverisë së Kosovës është i
arsyeshëm për dy arsye: Iu jepet kohë
dhe hapësirë të mjaftueshme serbëve të Kosovës Veriore që, të kuptojnë
rëndësinë e zgjidhjes së çështjes së targave të automjeteve të rreshtuara me
targa ilegale dhe pa shkaktuar tensione të zbatohet marrëveshja e Brukselit e
vitit 2015, mes Kosovës dhe Serbisë për këtë çështje. Njëkohësisht, të merren
në konsideratë propozimi amerikan dhe i shteteve të Quintit si zgjidhje e ndërmjetme.
Serbia dhe lista çetnike serbe, me bandat
mafioze kriminale të instaluara ne veri, bëjnë trysni të llahtarshme mbi
qytetarët serbë , që t'i refuzojnë targat zyrtare të Republikës së Kosovës,
duke i kërcënuar edhe me likuidime fizike....
Në anën tjetër opozita kosovare, në mënyrë
djallëzore, kërkon nga Qeveria e Kosovës, mosprolongimin e vendimit të korrikut
dhe zbatimin e masave të regjistrimit nga 1 nëntori, siç ishte paraparë në
vendimin e mëparshëm, me shpresën diabolike, që Kosova të rrëshqas në ndonjë
konflikt të pashmangshëm dhe pastaj, të akuzojnë Qeverinë si shkaktare të
krizës së shkaktuar.
Me këto sjellje bizare të opozitës, posaçërisht
të PDK-së, trimërohen lista çetnike serbe,
Vuçiqi dhe bandat kriminale të dirigjuara prej tij në Kosovën Veriore.
Qeveria e Kosovës dhe kryeministri Albin
Kurti, do të veprojnë me seriozitetin e duhur, në zgjidhjen e drejtë të
regjistrimit të automjeteve me targa legale "RKS", duke zbatuar me
kujdesë dhe konsistencë zbatimin e ligjit dhe kontrollin shtetëror në gjithë
territorin e shtetit. (S.S.)
Comments