Samiti i Bashkimit Evropian me 6 vendet e Ballkanit Perëndimor, i mbajtur në Berlin në fillim të nëntorit 2022, i udhëhequr nga kancelari federal gjerman Olaf Scholz, sërish nxori në pah dëshirën e sforcuar të Gjermanisë dhe të BE-së, për integrimin e Ballkanit Perëndimor në familjen e madhe evroperëndimore.
Tri marrëveshjet
e nënshkruara, në funksion të tregut të përbashkët rajonal, për lëvizjen e lirë
në 6 vendet e Ballkanit Perëndimor me letërnjoftime, njohjen e kualifikimeve të
arsimit të lartë, si dhe të mjekëve, dentistëve dhe arkitektëve, është sinjal i
qartë që, procesi i Berlinit, i shuan ambiciet e Serbisë për idenë fiktive "Ballkani i Hapur".
Efektet e
procesit të Berlinit, nuk do të ishin të mjaftueshme, përderisa Kosova të
vazhdojë të mbetet e izoluar nga BE, për shkak të mos liberalizimit të vizave
për qytetarët e vendit tonë.
Në kuadër të
procesit të Berlinit, Gjermania dhe BE, angazhohen që, me iniciativa, projekte
dhe investime t'i përafrojë vendet e Ballkanit Perëndimor në gjirin e BE-së dhe
të pengojë synimet e Rusisë putiniane për ndërhyrje dhe dominim në Ballkan,
sidomos neutralizimin e mikes ruse të Serbisë e cila fshehtas e hapur autokrati
Vuçiq flirton me autokratin luftënxitës rus Vladimir Putin.
Në kuadër të
kësaj gjeopolitike, Qeveria e Kosovës dhe personalisht kryeministri Albin
Kurti, do të angazhohen të forcojnë pozitën e shtetit të Kosovës në këtë
konstelacion gjeopolitik dhe gjeostrategjik.
Presidenti
autokrat nacionalshovinist serb A. Vuçiq, i interesuar t'i ruaj lidhjet e
fuqishme me Putinin dhe të sabotojë afrimin e Ballkanit Perëndimor me BE-në,
aktron lojën e rrezikshme me kërcënime ushtarake ndaj Kosovës, duke nxitur
konflikt në Kosovën Veriore, me shkas, çështjen e konvertimit të targave
ilegale serbe në targa legale të Republikës së Kosovës.
Qeveria e
Kosovës, në radhë të parë e ka për detyrë, të sigurojë stabilitet ekofinanciar,
zhvillim ekonomik, sundim të ligjit dhe forcimin e institucioneve demokratike,
që të mos i lehet hapësirë burokracisë së BE-së të gjej motive e arsye për
zvarritjen e vendimit për liberalizimin e vizave për kosovarët.(S.S.)
Comments