Nuk mund të lejohet me asnjë çmim krijimi i asociacionit njëetnik serb në Kosovë, sepse një krijesë e tillë do të thotë zhbërje e shtetit tonë. Këtë ambicie ogurzezë të Serbisë, Kosova nuk guxon ta lejojë edhe me çmimin e sakrificës së lartë. Përndryshe Kosova do të shpërbëhet si shtet. Partnerët tanë evroamerikanë, duhet domosdoshmërish ta kuptojnë që, Serbia, përmes asociacionit një etnik serb, synon ta eliminojë shtetin e Kosovës, ta bëjë të paqenë.
Partitë politike
opozitare, shoqëria civile dhe klanet e propagandës mediatike të Kosovës, duhet
urgjentisht të heqin dorë nga ambiciet e sëmura dhe të rreshtohen në mbrojtje
të sovranitetit dhe integritetit territorial të vendit. Në Serbi pozita dhe
opozita janë unikë kur është në pyetje Kosova, ndërsa në Kosovë opozita, me
servilizmin poshtërues, pa pikë dinjiteti iu kërkon diplomatëve perëndimorë, na
ndihmoni të kapim pushtetin dhe asociacionin e bëjmë pa kushte. Këto sjellje të dënueshme të opozitës
kosovare, nxisin apetitet agresive dhe shpresat e Serbisë hegjemoniste për themelimin
e asociacionit të komunave me shumicë serbe me të cilin merr fund ekzistenca e
shtetit të Kosovës.
Populli i Kosovës
dhe aleatët tanë evroamerikanë kanë investuar aq shumë në shtetndërtimin e
Kosovës saqë, nuk do mund të toleronte zhbërjen e shtetit tonë me pranimin e
një asociacioni etnik serb si thikë pas shpine pavarësisë së Kosovës.
Krejt llumi
opozitar serb është bashkuar rreth kriminelit fashisoid Aleksandar Vuçiq kundër
Kosovës, andaj opozita dhe klanet propagandistike rreth saj, sa më parë të
distancohen nga synimi serb për themelimin e asociacionit dhe të bashkohen
pozitë e opozitë në mbrojtje të shtetit integral të vendit tonë.
Asociacioni
njëetnik nuk duhet të kalojë. Kosova duhet të mbrohet edhe me çmimin e
vetëmbrojtjes kolektive.
(S.S.)
Comments