Shovinizmi antishqiptar maqedonas, nuk është i
zbutur ndaj shqiptarëve, vetëm sa është ridimensionuar me ndihmën e marionetave
shqiptare.
Qe 18 muaj, muzeu historik i alfabetit të gjuhës
shqipe në Manastir, qëndron i mbyllur, pasi që pushteti maqedonas ia ka
ndërprerë rrymën, me qëllim që të mos frekuentohet nga vizitorët e interesuar,
ky muze më i rëndësishëm i historisë së kombit shqiptar.
Është rast ekstremisht i turpshëm, se si liderët
politikë shqiptarë, vasalë në pushtet me shovinistët maqedonas, kurrë s'e kanë
ngritur zërin kundër këtij barbarizmi inkuizitor mesjetar të shovinizmit banal
maqedonoverior.
Kulmin e fushatës diskriminuese dhe asimiluese
ndaj shqiptarëve të mbetur në Manastir, maqedonët duan ta përmbyllin me asgjësimin përfundimtar
të muzeut famëmadh në Manastir, vendi u
themelua alfabeti i gjuhës shqipe.
Kryetari i Parlamentit të Maqedonisë Veriore
Talat Xhaferi, kryetari i BDI-së Ali Ahmeti dhe renegatë të tjerë shqipfolës,
me pozita të larta shtetërore në këtë vend, me heshtjen e tyre për tendencën
maqedonase, për ta eliminuar muzeun e historisë gjuhësore shqiptare, janë bashkautorë
të këtij krimi ndaj historisë sonë.
Si është e mundur që, Shqipëria, të mos reagojë,
për këtë cenim aq të rëndë të historisë që i përket kryesisht asaj?! Aq keq po degradohet kultura, dinjiteti, identiteti dhe
ekzistenca jonë kombëtare me pasoja të
paparashikueshme, e që shteti shqiptar nuk ndërmerr asgjë për ta mbrojtur
historinë dhe kulturën nga rreziqet që i kanoset nga armiqtë shovinistë.
(S.S.)
Comments