DRENUSHA DHE DRILON GASHI (MOTËR E VËLLA) AVOKATË NË KONFEDERATËN HELVETIKE NË GJENEVË
Sami Gashi, i njohur me nofkën Malësia, i
takon plejadës së atdhetarëve shqiptarë, të ikur nga përndjekja politike e ish
Jugosllavisë titiste të viteve 1980-ta,
ku si rezultat i represionit dhe dhunës
policore ndaj demonstratave studentore të vitit 1981, shumë të rinj u detyruan
të lënë vendlindjen dhe të arratisen në vendet perëndimore. Fatin e asaj
situate e jetoi edhe Sami Gashi - Malësia, i cili u vendos në Gjenevë të Zvicrës,
për të vazhduar veprimtarinë atdhetare në mërgatën e organizuar shqiptare.
Përveç aktiviteteve kombëtare Samiu - Malësia,
dha kontribut të çmuar në fushën e kulturës dhe muzikës shqiptare, si krijues
dhe interpretues i folklorit me taban patriotik.
Pas çlirimit të Kosovës më 1999, ideal për të
cilin kontribuoi shumë, Samiu u angazhua në fushën politike në Gjenevë, çka
arriti të votohet si deputet i Parlamentit të Republikës dhe Kantonit të
Gjenevës. Arriti suksese kulmore në shkollimin superior universitar të
fëmijëve.
Vajza Drenusha dhe djali Driloni, kanë kryer
fakultetin juridik dhe specializime pasuniversitare në Universitetin e Gjenevës
dhe tani Drenusha e Driloni, punojnë avokatë të instancave Konfederale
Helvetike në Gjenevë.
Patriotët shqiptarë në mërgatë, që kontribuuan
aq shumë në çlirimin e Kosovës nga okupimi qindvjeçar serbomadh, të vetëdijshëm
për rëndësinë e jashtëzakonshme të edukimit dhe shkollimin e fëmijëve të tyre,
punuan dhe sakrifikuan shumë për të arritur fëmijët e tyre suksese madhore në
kulturë, arsimim, shkencë dhe dije superiore. Këtë aspiratë e realizoi
suksesshëm edhe Sami Gashi me fëmijët e tij, të cilët dinjitetshëm ushtrojnë
profesionin e avokatit në Gjenevë, me reputacion të lartë si shqiptarë, në
shoqërinë zvicerane, me origjinë nga Kodra e Shqiponjave të Dukagjinit të
Kosovës.
S.S.
Comments