Jeta, po e provon
çdo ditë që, populli shqiptar, sidomos shqiptarët e Kosovës, asgjë s'kanë mësuar
nga historia shekullore e politikës ekspansioniste e nacional-shovinizmit
serbomadh kundrejt kombit tonë.
Vështirësitë që i
shkakton Serbia, në përpjekjet për arritjen e ndonjë marrëveshje të arsyeshme
dhe të qëndrueshme, mes dy shteteve, Kosovë-Serbi, janë njohura, pasiqë ajo,
Serbia, qëllim jetësor e ka, ta pengojë konsolidimit shtetëror institucional
dhe ta shtyjë sa të mundet politikën destabilizuese të saj me të gjitha
mjetetqë ka në dispozicion.
Dy faktorë
Serbia, i shfrytëzon me efikasitet maksimal, për ta mbajtur pambarim gjendjen e
tensionuar në Kosovë:
1. Përmes bandave
kriminale e kontrabandiste serbe, të dominojë dhe instrumentalizojë komunitetin
serb në Kosovë, në veçanti serbët e veriut të Kosovës, që të refuzojnë
shtetësinë dhe ligjshmërinë institucionale të shtetit ku jetojnë dhe:
2. Të fusin sa më
suksesshëm thikat e përçarjes mes shqiptarëve në Kosovë, si mjet efikas në
molisjen dhe dobësimin ekstrem të unitetit shqiptar drejt ndërtimit të
politikave adekuate, në përballjen ndaj synimeve hegjemoniste serbomadhe.
Rast eklatant që
u dëshmua katërcipërisht, se sa lehte
dora agjenturore serbe shkakton tërmet kaotik në skenën politike dhe
mediatike kosovare është, publikimi i porositur serb, i një inçizimi bisede
ordinere të Mimoza Kusarit-Lila me serbin Sllavko Simiq.
Opozitarët
kosovarë, naivë apo diçka tjetër dhe medie mbështetëse, shkuan aq larg në
veprimet destruktive, saqë krijuan incidentin e turpshëm deri në rrahje masive
në Parlamentin e Kosovës, i cili mori dheun si lajm ogurzi në mediat
ndërkombëtare, e favorshme për makinerinë propagandistike serbe dhe njollë e
shëmtuar për Kosovën.
Kjo praktikë
konfliktuoze e pajustifikueshme dhe primitive, duhet të marr fund pa kushte dhe
politikanët e opozitës dhe pozitës t, i kthehen jetës parlamentare demokratike.
Të gjejnë gjuhën e përbashkët të domosdoshme, për çështje kruciale të
konsolidimit politik e institucional të shtetit të Kosovës.
Populli i
Kosovës, nuk bie në letargjinë naive të elemetëve që për tendencë kanë frenimin
e funksionimit normal të shtetit të Kosovës!
Qytetarët e
Kosovës, duan dhe nuk lejojnë të dëmtohet vendi nga plangprishësit!
(S.S.)
Comments